උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය ලේකම් විශේෂඥ වෛද්‍ය පාලිත මහීපාල මහතා පවසනවා.
උත්සව සමයේ හදිසි අනතුරු, ආහාර විෂවීම් මෙන්ම බෝ නොවන රෝගවලට (දියවැඩියාව, හෘද ආශ්‍රිත රෝග) ගොදුරුවන ප්‍රමාණය ඉහළ යාම සාමාන්‍ය තත්ත්වයක්.
එමනිසා මෙම රෝගීන්ට කිසිදු ප්‍රමාදයකින් තොරව ප්‍රතිකාර සේවාවන් පවත්වා ගෙන යාමට ද සෞඛ්‍ය අමාත්‍යාවරයාගේ උපදෙස් පරිදි අවශ්‍ය සියලු පියවර ගෙන ඇති බව සෞඛ්‍ය ලේකම්වරයා පෙන්වා දෙනවා.
එමෙන්ම හදිසි ප්‍රතිකාර සේවාවන් වලදී අත්‍යවශ්‍ය ගිලන් රථ සේවාවන් ද පැය විසි හතර පුරාම විශේෂ අවධානය යටතේ මෙහෙයවීමට ද කටයුතු යොදා තිබෙනවා.
උත්සව සමයේ ශ්‍රී ලංකාව තුළ සංවිධානය කරනු ලබන ක්‍රීඩා ඉසව් වලදී අනතුරු සිදුවීම සහ බරපතල වෛද්‍ය තත්ත්වයන් ඇතිවීම වැළැක්වීම සදහා වන මාර්ගෝපදේශ මාලාවක් ද පසුගියදා සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් එළිදක්වනු ලැබුවා.
