දිවයිනේ දිස්ත්‍රික්ක තුනකට නාය යාමේ පළමු අදියරේ අවවාදාත්මක නිවේදනයක් නිකුත් කර තිබෙනවා.
ඒ පසුගිය පැය 24 තුළ ලැබුණු මිලිමීටර් 75කට අධික වර්ෂාපතනය සැලකිල්ලට ගනිමින්.
ඒ අනුව ජාතික ගොඩනැගිලි පර්‍යේෂණ සංවිධානය නිවේදනයක් නිකුත් කරමින් කියා සිටින්නේ තවදුරටත් වර්ෂාව ඇදහැලීම හේතුවෙන් පස් කඳු කඩා වැටීම්, නායයාම්, ගල් පෙරළීම වැනි ස්වභාවික ව්‍යසන ඇතිවිය හැකි බවයි.
මෙම අවදානම් දිස්ත්‍රික්ක 03 ලෙස නම් කර ඇත්තේ බදුල්ල, කෑගල්ල සහ කුරුණෑගලයි.
එම සංවිධානය වැඩිදුරටත් ජනතාවගෙන් ඉල්ලා සිටින්නේ ජලාශ, නායයාම් ස්ථාන හෝ කඳු හෝ දැඩි බෑවුම් සහිත ගල් පිහිටි පසුබිමක ජීවත් වන්නේ නම්, වඩාත් අවධානයෙන් යුතුව කටයුතු කරන ලෙසයි.
