ජනාධිපතිවරයා ජාතිය අමතා සිදුකළ විනාඩි 69ක කතාව තුල මේ වන විට පාසල් දරුවන් මුහුණ දී සිටින කම්පනය සම්බන්ධයෙන් එකඳු වචනයක් හෝ සඳහන් නොවූ බව ජනතා විමුක්ති පෙරමුණේ දේශපාලන මණ්ඩල සභික බිමල් රත්නායක මහතා පෙන්වා දෙනවා.
කොවිඩ් වසංගතය නිසා වඩ වඩාත් දුර්වල වූ රටේ අධ්‍යාපන පද්ධතිය කෙරෙහිත් දරුවන් කෙරෙහිත් ජනපතිවරයා දක්වන්නේ කෙබඳු අසංවේදීතාවක්ද යන්න ඒ හරහා නිරූපණය වන බවයි ඔහු පවසන්නේ.
බිමල් රත්නයක මහතා මේ බව කියා සිටියේ ඊයේ (27) පැවති ”අධ්‍යාපනයේ ප්‍රශ්න සහ අපේ උත්තර” නැමති ඔන්ලයින් සම්මන්ත්‍රණය අමතමින්.
මෙරට දරුවන්ගේ අනාගතය සම්බන්ධයෙන් බලාපොරොත්තු සහගතව පැවති කන්නංගර අධ්‍යාපන ප්‍රතිපත්තිය මේ වන විට ප්‍රායෝගිකව ක්‍රියාත්මක කර නොහැකි තත්වයක් මතුව ඇති බවද කොවිඩ් 19 ව්‍යාප්තිය හේතුවෙන් මාස දාහතරහමාරක පමණ කාලයක් පාසල් වස තැබීම හරහා ඇරඹි Online අධ්‍යාපන ක්‍රමයේ ප්‍රතිඵලයන් ගැනද බිමල් රත්නායක මහතා කරුණු දක්වා සිටිනවා.
ඇති හැකි අයට පමණක් නොවද නැති බැරි අයටද අධ්‍යාපනය හිමි කරදීම නිදහස් අධ්‍යාපන ක්‍රමයේ බලාපොරොත්තුව වූවද මේ වන විට ජංගම දුරකථන, ලැප්ටොප් පරිඝණක සහ අන්තර්ජාල සබඳතා වෙනුවෙන් මුදල් වැය කිරීමට නොහැකි දරුවන්ගේ අධ්‍යාපනය දැඩි අර්බුදයකට පත්ව ඇති බවත් මේ නිසා දරුවන් දැඩි මානසික ආතතියකට මුහුණ දී සිටින බවත් ඒ මහතා පෙන්වා දෙනවා.
එම සම්පූර්ණ කතාව පහළින්.
