“ලෝකයට එන්නත් ලබා දීමේ විශාල පියවරක්” ලෙස ප්‍රධාන කාර්මික රටවල නායකයින් කෝවිඩ් එන්නත් මාත්‍රා බිලියනයක් දුප්පත් රටවලට ලබා දීමට G7 සමුළුවේ දී පොරොන්දු වී ඇතැයි බ්‍රිතාන්‍ය අගමැති බොරිස් ජොන්සන් පවසයි.
ප්‍රජාතන්ත්‍රවාදී වටිනාකම්වල ප්‍රතිලාභ තහවුරු කරමින් G7 එකමුතුවට මුළු ලොවටම එන්නත් ලබාදීමට හැකි වූ බව සමුළුව අවසාන කරමින් අගමැතිවරයා පැවසීය.
එක්සත් රාජධානියේ මිලියන 100 ක් ද ඇතුළුව සෘජුවම හෝ ලෝක සෞඛ්‍ය සංවිධානයේ කොවැක්ස් යෝජනා ක්‍රමය හරහා දුප්පත් රටවලට එන්නත් ලබා දීමට G 7 නායකයින් ප්‍රතිඥා දුන් බව අගමැතිවරයා මෙහිදී පවසා තිබේ.
එමඟින් වසංගතය ආරම්භයේ බලවත් රටවල්වල පැවති ජාතිකවාදී සහ ආත්මාර්ථකාමී ස්වරූපයෙන් ඉවත් වීමට් හැකියාව ලැබුණු බව ද අගමැතිවරයා සඳහන් කර ඇත.
