මල්වතුහිරිපිටිය ප්‍රදේශයේ දී සැකකරුවෙකු අත්අඩංගුවට ගැනීමට යාමේ දී වෙඩිවැදී ජීවිතක්ෂයට පත් වු පොලිස් සැරයන්වරයාට අවසන් ගෞරව දැක්වීම සඳහා වැඩබලන පොලිස්පති දේශබන්දු තෙන්නකෝන් මහතා අද (13) දේහය තැන්පත් කර තිබු නිවසට පැමිණියා.
එහිදී එම නිලධාරියාගේ පවුලේ ඥාතීන් වෙත රුපියල් මිලියනයක මුදලක් ලබා දීමට ද වැඩබලන පොලිස්පතිවරයා කටයුතු කර තිබුණා.
පසුගිය සෙනසුරාදා අලුයම් කාලයේ මල්වතුහිරිපිටය පොලිස් ස්ථානයේ නිලධාරීන් කණ්ඩායමක් සැකකරුවෙකු අත්අඩංගුවට ගැනීමට යාමේ දී ඇති වු ගැටුම්කාරී තත්ත්වයක් අතරතුර සිදුවු වෙඩි තැබීමකින් අදාළ පොලිස් සැරයන්වරයා ජීවිතක්ෂයට පත් වී තිබුණා.
මේ අතර, ජීවිතක්ෂයට පත් වු පොලිස් සැරයන්වරයා උපපොලිස් පරීක්ෂක තනතුරට උසස් කර තිබෙනවා.
