පානීය ජලය බෙදාගැනීම සම්බන්ධයෙන් පකිස්තානයේ ප්‍රාන්ත දෙකක් අතර අර්බුදයක් හටගෙන ඇතැයි එරට මාධ්‍ය වාර්තා කරයි.
මෙම අර්බුදය හටගෙන ඇත්තේ සින්ද් සහ පන්ජාබ් ප්‍රාන්ත දෙක අතරයි.
මෙම ප්‍රාන්ත දෙකට ප්‍රධාන වශයෙන්ම පානීය ජලය සපයනු ලබන්නේ ඉන්දු ගංගාව මගිනුයි.
එම ගංගාව උපයෝගී කරගෙන තනා ඇති ඇල මාර්ග හරහා ගඟෙහි ජලය විවිධ ප්‍රාන්තවල වැසියන්ගේ පානීය ජල අවශ්‍යතා සපුරා ගැනීම සදහා බෙදාහැරේ.
කෙසේවෙතත් ජලපාලන බලධාරීන් නියමිත රීතීන් උල්ලංඝනය කරමින් පංජාබ් ප්‍රාන්තයට නියමිත ප්‍රමාණයට වඩා ජලය බෙදාහැර ඇති බව එරට මාධ්‍ය වාර්තා කර තිබේ.
මේ හේතුවෙන් සින්ද් සහ පංජාබ් ප්‍රාන්තවල පාලකයන් සහ බලධාරීන් ජලය බෙදාහැරීම සම්බන්ධයෙන් ආරවුලකට මැදිවී සිටින බව එම වාර්තාවල වැඩිදුරටත් සදහන් වේ.
