ටයිල් සහ නානකාමර කට්ටල මෙරටට ගෙන්වීම තහනම් කරමින් පනවා තිබුණු ගැසට් නිවේදනය ඉවත් කරමින්, ඒ සදහා අනුමැතිය ලබා දෙන නව ගැසට් නිවේදනයක් ඊයේ (02) දිනයේ දී මුදල් අමාත්යවරයා විසින් නිකුත් කරන ලදි.
නමුත්, මුදල් අමාත්යවරයා නිකුත් කළ ගැසට් නිවේදනය බල රහිත කෙරෙන උපදෙසක් ආනයන හා අපනයන පාලක ජනරාල් විසින් අද සියළු වාණිජ බැංකු වල ප්රධාන විධායක නිලධාරීන් වෙත නිකුත් කර තිබෙනවා.
ඒ අනුව ඊයේ (02) නිකුත් කරන ලද අංක 2213/8 අතිවිශේෂ ගැසට් පත්රයේ සඳහන් අංක 03 හා 04 රෙගුලාසි ක්රියාවට නැංවීම නැවත දැනුම්දෙන තුරු අත්හිටුවන ලෙස ශ්රී ලංකා රේගුවට සහ සියලූම වාණිජ බැංකුවලට දැනුම් දී ඇත.
ඊයේ (02) මුදල් අමාත්යවරයා වශයෙන් අගමැති මහින්ද රාජපක්ෂ මහතාගේ අත්සනින් යුතුව නිකුත්කර තිබු ගැසට් නිවේදනයක් මගින් සෙරමික්/ටයිල් නිෂ්පාදන ආනයනයට පනවා තිබූ සීමා ලිහිල් කෙරිණි.