ආසන ගණන ඉක්මවා මගීන් ගෙනයන බස් රථවල රියදුරන් සහ කොන්දොස්තරවරුන් අද (04) දින සිට අත්අඩංගුවට ගෙන අධිකරණයට ඉදිරිපත් කරන බව ප්රවාහන සේවා රාජ්ය අමාත්ය දිළුම් අමුණුගම මහතා පවසනවා.
නිරෝධායන පනතට පටහැණිව බස් රථ විශාල ගණනක් කටයුතු කිරීම හේතුවෙන් මෙම පියවර ගන්නැයි පොලිස්පතිවරයාට දැනුම් දුන් බවයි රාජ්ය අමාත්යවරයා පවසන්නේ.
ඒ අනුව, සියලුම බස් රථ සෝදිසි කර ආසන සංඛ්යාවට වඩා මගීන් ප්රවාහනය කරන පුද්ගලයන් අත් අඩංගුවට ගෙන නීතිය හමුවට ඉදිරිපත් කිරීම දිවයින පුරා ක්රියාත්මක බවයි ඔහු වැඩිදුරටත් පවසන්නේ.
කෙසේවෙතත්, සියලුම රාජ්ය සේවකයින්ව සාමාන්ය පරිදි සේවයට කැඳවා ඇති බැවින් සහ මෙරට පොදු ප්රවාහන සේවය ඉල්ලුමට ප්රමාණවත් නොවන බව රාජ්ය අමාත්යවරයා හොඳාකාරවම දන්නා බැවින් ඔහුගේ මෙම නියෝගය අර්ථ ශූණ්ය බවයි ජනතාව පවසන්නේ.