අමෙරිකාවේ ලොස් ඇන්ජලීස් නුවර, හොලිවුඩ් පුරයේ, ‘ඩොල්බි’ රගහලේදී පැවති 94 වන ඔස්කාර් සම්මාන උළෙල අවසන් වූයේ ලෝකයේම කතාබහට බදුන් වූ සිදුවීමක් සමගින්.
ඒ මෙවර ඔස්කාර් සම්මාන උළෙලේ හොඳම නළුවා බවට පත්වූ විල් ස්මිත් සම්මාන උලෙළේ නිවේදන කටයුතු සිදුකළ ප්‍රහසන නළු ක්‍රිස් රොක්ට කනේ පහරක් ගැසීමයි.
සිදුවීම වන අවස්ථාවේ ඔස්කාර් සම්මාන උළෙල ලොවපුරා සජීවීව විකාශය කෙරුණු බැවින් මෙම කනේ පහර එල්ල කිරීම සජීවීව ලොව පුරා ලක්ෂ සංඛ්‍යාත ප්‍රේක්ෂකයින් පිරිසක් දැකගත්තා.
සුපිරි නළු විල් ස්මිත් සිය බිරිඳ වන ජනප්‍රිය හොලිවුඩ් නිළි ජේඩා පින්කෙට් සමග මෙවර සම්මාන උළෙලට සහභාගි වී සිටියා.
කෙසේ වෙතත් එහිදි සම්මාන උලෙළේ නිවේදන කටයුතු සිදුකළ ප්‍රහසන නළු ක්‍රිස් රොක්, විල් ස්මිත්ගේ බිරිඳ වූ ජේඩාව හාස්‍යයට ලක් කිරීමත් සමඟ මෙම තත්ත්වය ඇතිවුණා.
ජේඩා හිස කෙසේ ගැලවීයෑමේ රෝගී තත්ත්වයකින් පීඩා විඳින අතර, ඇය හිස බූ ගා සිටිම නිවේදක ක්‍රිස් රොක්ට විහිළුවක්වීම හේතුවෙන් මෙසේ විල් ස්මිත්ගේ කෝප වී තිබුණා.
එහිදි ක්‍රියාත්මක වූ විල් ස්මිත්ගේ වේදිකාවට ගොඩවී නිවේදක ක්‍රිස් රොක්ට දැවැන්ත කම්මුල් පහරක් එල්ල කළා.
ජේඩා පින්කෙට් හිස කෙසේ ගැලවී යෑමේ ‘ඇලොපෙසියා’ නමැති රෝගී තත්ත්වයකින් පෙළෙන්නෙකු බව 2018 වසරේදි හදුනාගෙන තිබු අතර ඇය එය ප්‍රසිද්ධියේ කියා තිබුණා.
එම සිදුවීමෙන් පසු විල් සිමිත් හැගීම්බරව කඳුළු සලන්න වූ බවත්, ප්‍රවීණ මෙන්ම සම්මානීය නළු ඩෙන්සල් වොෂින්ටන් සහ ටයිලර් පෙරී වේදිකාවේ මුල්ලකට වී, විල් සිමිත් සැනසූ බවත් ඇමෙරිකන් මාධ්‍ය වාර්තා කර තිබෙනවා
