පාකිස්තානයේ හිටපු අගමැති ඉම්රාන් ඛාන් සිකුරාදා ප්රකාශ කළේ රට අති ධාවනකාරී උද්ධමනයක් (hyperinflation) කරා ගමන් කරන බවයි.
විශේෂ ප්රකාශයක් සිදුකරමින් ඉම්රාන් ඛාන් පැවසුවේ, “විවෘත වෙළඳපොලේ ඩොලරය රුපියල් 308 දක්වා ළඟා වී තිබේ. සියලුම ව්යාපාර සහ කර්මාන්ත වසා දමනු ලබන අති ධාවනකාරී උද්ධමනය කරා පාකිස්තානය යන බැවින් අනතුරුදායක සීනු නාද විය යුතුය” යනුවෙනි.
“ඇයි ආණ්ඩුව එක ගණන් ගන්නේ නැත්තේ? මොකද ඔවුන්ගේ ධනය පිටරට ගබඩා කරලා තියෙන්නේ. ඒකෙන් එයාලට වෙනසක් නෑ,” ඔහු වැඩිදුරටත් පැවසීය.
ඉම්රාන් ඛාන් වත්මන් රජයේ ආර්ථික ක්රියාකාරිත්වය ඔහුගේම රජය සමඟ සංසන්දනය කළේය. ආර්ථිකය කළමනාකරණය කිරීමට පාකිස්තාන ප්රජාතන්ත්රවාදී ව්යාපාරය (PDM) රජයට ඇති හැකියාව ඔහු විවේචනය කළේය.
මේ අතර පාකිස්තාන ගුවන්විදුලිය දැඩි මූල්ය හිඟයකින් පෙළෙන අතර එම නිසා එහි සේවකයන්ට වැටුප් පවා ගෙවීමට නොහැකි වී ඇතැයි වාර්තා වේ.
මාධ්ය වාර්තාවලට අනුව සේවකයන්ට අප්රේල් මස වැටුප් ලැබී නොමැති අතර මැයි සහ ජුනි මාසවල වැටුප් ද නොලැබෙන තත්ත්වයක් නිර්මාණය වී තිබේ.
මේ අතර, ද එක්ස්ප්රස් ට්රිබියුන් මෑතකදී වාර්තා කළේ, ස්වෛරී පැහැර හැරීම් වලක්වා ගැනීමේ උත්සාහයක් ලෙස ආනයන මත පනවා ඇති දැඩි සීමා කිරීම් හේතුවෙන්, සේවා අංශයේ සහ කර්මාන්ත අංශයේ කඩා වැටීම හේතුවෙන් පකිස්ථානයේ ආර්ථික වර්ධන වේගය සියයට 0.3 දක්වා පහත වැටුණු බවයි.