තුර්කිය සහ පකිස්තානය ඇෆ්ගනිස්තානයේ පාලනය හසුරැවන ආකාරය පිලිබද රහස් කතාබහක නිරත වී ඇතැයි විදෙස් මාධ්ය වාර්තා කර තිබෙි.
අදාළ වාර්තාවලට අනුව පකිස්තානයේ ඒකාබද්ධ මෙහෙයුම් ප්රධානී නදීම් රාසා සහ තුර්කියේ ඒකාබද්ධ මෙහෙයුම් ජනරාල් යසීර් ගුලෙයිර් අතර මේ පිලිබද සාකච්ඡා පවත්වා ඇතැයි සදහන් වේ.
ඉස්ලාම් අන්තවාදය පෝෂණය කරන බවට ජනාධිපති එර්දොගාන්ගේ තුර්කි පාලනයට චෝදනා එල්ල වී ඇති පසුබිමක ඇෆ්ගනිස්තානය පිලිබද තුර්කි පකිස්තාන සාකච්ඡා අවධානයට යොමු විය යුතු කරැණක් බව අන්තර්ජාතික භුදේශපාලනික විශේෂඥයන් සදහන් කර තිබේ.
නුදුරේදීම ඇමරිකානු හමුදා ඇෆ්ගනිස්තානයෙන් ඉවත් කර ගැනීමට නියමිත අතර ඒ වෙනුවට නේටෝව නියෝජනය කරමින් තුර්කි හමුදා වැඩි වශයෙන් ඇෆ්ගනිස්තානයට පැමිණිමේ ඉහළ ඉඩකඩක් ඇති බවත් එය විශේෂ අවධානයට යොමුවිය යුතු කරැණක් බවත් අදාළ විශේෂඥයන් සදහන් කර ඇත.