ලාහෝර් මහාධිකරණය (LHC) 20 වසරක බදු පදනම මත ගොවිතැන් සඳහා පකිස්ථාන හමුදාවට ඉඩම් පැවරීම තහනම් කරන ලද එම අධිකරණයේම නියෝගය අත්හිටුවා ඇති බව පකිස්ථානය පදනම් කරගත් Geo News වාර්තා කරයි.
මහාධිකරණ විනිසුරුවරයෙක් විසින් ලබා දුන් තීන්දුවක් අවලංගු කරන ලෙස ඉල්ලා පන්ජාබ් රජය විසින් ගොනු කරන ලද පෙත්සම විභාග කිරීමෙන් පසු ද්විපුද්ගල මහාධිකරණ විනිසුරු මඩුල්ලක් විසින් මෙම තීන්දුව ප්‍රකාශයට පත් කරන ලදී.
කෘෂිකාර්මික ප්‍රතිපත්ති නියාමනය කිරීම අධිකරණයේ කාර්යයක් නොවන බව පන්ජාබ් රජය සඳහන් කළේය.
ජූනි මස මුලදී, ලාහෝර් මහාධිකරණය, සන්නද්ධ හමුදාවන්ට ගොවිතැනෙහි යෙදීමට ව්‍යවස්ථාපිත සහ නීත්‍යානුකූල බලයක් නොමැති බව නිරීක්ෂණය කරමින් ගොවිතැන සඳහා පාකිස්තාන හමුදාවට නීතිවිරෝධී ලෙස ඉඩම් බදු දී ඇති බව ප්‍රකාශ කළේය.
පන්ජාබ් භාරකාර රජයට ඩම් වෙන් කිරීමට ව්‍යවස්ථාපිත වරමක් නොමැති බව ද විනිසුරුවරයා තීන්දු කර තිබුණි.
පන්ජාබ් රජය විසින් භක්කාර්, කුෂාබ් සහ සහිවාල් යන දිස්ත්‍රික්ක තුනේ ඉඩම් අක්කර 45,267 කට අධික ප්‍රමාණයක් හමුදාවට කෘෂිකාර්මික ව්‍යාපෘතියක් සඳහා වෙන් කරන ලෙස දැනුම් දී ඇති බව Geo News පවසයි.
