පාකිස්තාන ක්‍රිකට් කණ්ඩායමේ ටෙස්ට් නායකයා ලෙස ෂාන් මසූඩ් සහ විස්සයි විස්ස නායකයා ලෙස ෂහීන් ෂා අෆ්රිඩි නම් කර ඇති බව පාකිස්තාන ක්‍රිකට් පාලක මණ්ඩලය පවසනවා.
ලෝක කුසලාන තරගාවලියේ අවසන් කණ්ඩායම් 4ට තේරීමට පාකිස්ථානය අසමත්වීම හේතුවෙන්, පාකිස්තාන ක්‍රිකට් නායකයා ලෙස කටයුතු කළ බාබර් අසාම්, මීට දින කිහිපයකට පෙර එම තනතුරෙන් ඉල්ලා අස් වුණා.
ඒ අනුව, ටෙස්ට් කණ්ඩායමට සහ විස්සයි විස්ස කණ්ඩායම් සඳහා නව නායකයින් දෙදෙනෙක් නම් කිරීමට පාකිස්තාන ක්‍රිකට් බලධාරීන් කටයුතු කර තිබෙනවා.
එක්දින ජාත්‍යන්තර තරගාවලියක් නුදුරේදීම නොපැවැත්වෙන බැවින් එක්දින කණ්ඩායම සඳහා නායකයෙක් පත්කර නොමැති බවයි වාර්තා වෙන්නේ.
