මහමත්තුමාට අපහාස කිරීම අපරාධයක් බවට පත්කිරීමට මුස්ලිම් රටවල් එක්ව කටයුතු කළ යුතු බව පකිස්තාන අගමැති ඉම්රාන් ඛාන් ප්රකාශ කර තිබේ.
ඔහු සදහන් කර ඇත්තේ ඇතැම් බටහිර රටවල අදහස් ප්රකාශ කිරීමේ අයිතියට මුවාවී මහමත්තුමාට අපහාස කීරීමට ඉඩදී ඇති බවයි.
එය වෙනස් කිරීම සදහා මුස්ලිම් බහුතරයක් සිටින රටවල් එක්ව සන්ධානයක් ගොඩනංවාගත යුතු බවට හෙතෙම අවධාරණය කර තිබේ.
මුස්ලිම් රටවල් 50 ක් පමණ එක්ව අදාළ අපහාසකිරීම් අපරාධයක් බවට පත්කිරීම සදහා වන සංධානයක් ඇති කරගැනීම කළ හැකි බව ඔහු සදහන් කර ඇත.
එය පිළිනොගන්නේ නම් එවැනි රටවල් සමග ගනුදෙනු කිරීම අත්හිටුවීමට සහ ඔවුන්ගේ භාණ්ඩ වර්ජනය කිරීමට කටයුතු කළ යුතු බව අගමැති ඉම්රාන් ඛාන් සදහන් කර තිබේ.