මරණ දඬුවම අහෝසි කිරීම ඇතුළුව යුරෝපා සංගමය විසින් පනවා ඇති කොන්දේසි අනුමත කිරීම පාකිස්තානය ප්‍රතික්ෂේප කර තිබේ.
ඒ වෙනුවට GSP+ සහනය දීර්ඝ කර ගැනීම සඳහා යුරෝපා සංගමය තුළ බලපෑම් කිරීමට අග්‍රාමාත්‍ය ෂබාස් ෂෙරීෆ් වෙනම සාකච්ඡා මාලාවක නිතරවීමට සූදනම් බව එරට වාර්තා පවසයි.
පකිස්තානය පසුගිය වසර හතක කාලය තුළ යුරෝපා සංගමය විසින් ලබාදෙන GSP+ යෝජනා ක්‍රමයේ ප්‍රධාන ප්‍රතිලාභ ලබන්නකු විය.
මෙහිදී නිෂ්පාදන කිහිපයක් ශූන්‍ය බදු ක්‍රමයට යටත්ව පවතින අතර එම සහනය 2023 දෙසැම්බර් 31 දිනෙන් කල් ඉකුත් වීමට නියමිතය.
එය දීර්ඝ කිරීමට නම් මරණ දඩුවම අහෝසි කිරීම ඇතුළු මානව හිමිකම් ඉල්ලීම් ඉටුකරන ලෙස යුරෝපා සංගමය පකිස්තානය වෙත අවධාරණය කර තිබේ.
