චීනයේ විශේෂ පරිපාලන කලාපයක් වන මැකාඕ සිට ආර්මේනියාවේ යෙරෙවන් වෙත ළඟා වූ රහසිගත හමුදා ගුවන් යානයක් සම්බන්ධයෙන් අසර්බයිජාන් රජය විමර්ශනය කරමින් සිටින බව වාර්තා වේ.
මේ සම්බන්ධයෙන් අසර්බයිජානය වඩාත් කුපිත කර ඇති බව පෙනෙන්නේ පකිස්තානය එම ගුවන් ගමන සඳහා පහසුකම් සැලසීමයි.
ආර්මේනියාව සඳහා ආයුධ රැගත් හමුදා ගුවන් යානය යෙරෙවන් බලා යන අතරතුර කරච්චි ගුවන් තොටුපළට ගොඩ බස්සවා ඇතැයි විශ්වාස කෙරේ.
අසර්බයිජානය පාකිස්තානයේ සිය තානාපතිවරයා හරහා මෙම ගැටලුව සම්බන්ධයෙන් ඉස්ලාමාබාද් වෙතින් පැහැදිලි කිරීමක් ඉල්ලා ඇති බව ද වාර්තා වේ.
අසර්බයිජාන් බලධාරීන් සැක කරන්නේ ප්රධාන වශයෙන් මාර්ගය තෝරාගෙන ඇත්තේ වෙනත් මාර්ග ඔවුන්ගේ නිරීක්ෂණයට ලක්ව ඇති බැවින් බව ද පැවසේ.
කාශ්මීරය වැනි මතභේදාත්මක ප්රශ්නයකදී පවා පාකිස්තානයට දිගු කලක් සහාය දුන් අසර්බයිජානයට, චීනය විසින් සිදු කල එම පියවරට පාකිස්තානය විසින් පහසුකම් සැපයීම නිසා විශේෂයෙන් කම්පනයට පත් කර ඇති බව විදෙස් වාර්තා වැඩිදුරටත් සදහන් කරයි.
එම ප්රශ්නය සොයා බලා විස්තර සහිතව අසර්බයිජානය වෙත දැනුම් දෙන බවට පාකිස්ථානය සහතික වී ඇතත් ඔවුන් චීනය සමඟ පවත්වාගෙන යන අසමාන සබඳතා සලකා බලන විට, අසර්බයිජානයට ඉස්ලාමාබාද් වෙතින් අර්ථවත් පිළිතුරක් බලාපොරොත්තු විය නොහැකි බවට ද වාර්තා පළවී තිබේ.
2021 මැයි 12 සිට ආර්මේනියාව සහ අසර්බයිජානයේ හමුදා භටයෝ දේශසීමා ගැටුමක යෙදී සිටිති.