පකිස්තානයේ සිරකරුවන් සහ ඔවුන්ගේ අයිතිවාසිකම් රැකගැනීමේ සංවිධාන එරට රජයට විශේෂ ඉල්ලීමක් ඉදිරිපත් කර තිබේ.
ඒ සැකකාර රැදවියන්ට සහ වරදකරැවන්ව සිරදඩුවම් විදින සිරකරුවන්ට හිමි අයිතිවාසිකම් පැහැදිළිව හදුනාගෙන ඒවා තහවුරු කරන ලෙසයි.
දඩුවම් නියම වූ සිරකරුවන්ට මෙන් නොව සැකපිට රක්ෂිත බන්ධනාගාරගත කර සිටින රැදවියන්ට විශේෂ අයිතිවාසිකම් හිමිවිය යුතු බවත් ඔවුන් නීතිය විසින් වරදකරුවන් කරන තුරු නිවැරදිකරුවන් බවත් එම සංවිධාන පෙන්වා දී තිබේ.
බ්‍රිතාන්‍යය යුගයේ පැරණි නීති අනුව යමින් සැකකරුවන්ටත්, සිරකරුවන්ටත් එක ලෙස සැලකීම හරහා දෙපාර්ශවයටම එරෙහිව සිදුවන අයිතිවාසිකම් උල්ලංඝනය කිරීම්වලට වහා විසදුම් ලැබිය යුතු බව එම සංවිධාන වැඩිදුරටත් අවධාරණය කර ඇත.
නඩු ප්‍රමාදය නිසා රක්ෂිත බන්ධනාගාර ගත කර සිටින රැදවියන්ට අසාධාරණයක් සිදුව ඇති බවත් නීතිය මගින් වරදකරුවන් කරන තෙක් සැකකරුවන් පමණක් වන ඔවුන්ට මූලික අයිතිවාසිකම් සහ මූලික පහසුකම් භුක්ති විදිය හැකි ජීවිතයක් පැවතිය යුතු බවත් එම සංවිධාන අවධාරණය කර තිබේ.
