ඇමරිකාවේ වෙසෙන පෂ්තුන් ප්‍රජාව පකිස්තානයට එරෙහිව නිව්යෝර්ක් නගරයේ විරෝධතාවයක් පවත්වා තිබේ.
නගරයේ විරෝධතා රථ පෙළපාලියක් පැවැත්වූ ඔවුන් අනතුරැව එක්සත් ජාතීන්ගේ සංවිධානයේ මූලස්ථානය ඉදිරිපිට උද්ඝෝෂණයක් ද පැවැත් වූ බව විදෙස් මාධ්‍ය වාර්තා කරයි.
පකිස්තානයේ වෙසෙන පෂ්තුන්වරැන්ගේ මානව හිමිකම් උල්ලංඝනය වන බවත් පකිස්තාන රජය පෂ්තුන්වරැන් ආරක්ෂක කිරීමට සහ ඔවුන්ගේ අයිතිවාසිකම් ආරක්ෂා කිරීමට කටයුතු නොකරන බවටත් ඔවුහු මෙහිදී චෝදනා කළහ.
පකිස්තාන හමුදා ඇෆ්ගනිස්තානයේ යුද්දයට සිදුකරන මැදිහත්වීම් නවත්වන ලෙසටද උද්ඝෝෂකයෝ මෙහිදී අවධාරණය කළහ.
පෂ්තුන්වරැ ප්‍රධාන වශයෙන් උතුරැ පකිස්තානය සහ දකුණු ඇෆ්ගනිස්තානය කේන්ද්‍ර කරගෙන විසිරී සිටින අතර ආසන්න වශයෙන් පකිස්තානයේ ජනගහනයෙන් සියයට 15 ක් ද ඇෆ්ගනිස්තානයේ ජනගහනයෙන් සියයට 50 ක් ද නියෝජනය කරති.
පකිස්තානයේ දෙවන විශාලතම ජන කොට්ඨාසය වන ඔවුන් ඇෆ්ගනිස්තානයේ ප්‍රධානතම ජන කොට්ඨාසය වේ.
