26 C
Colombo
Tuesday, May 21, 2024

රජරට සරසවියට සර්කෝනියම් නිපදවීමේ පේටන්ට් බලපත්‍රයක්

- Advertisement -

රජරට විශ්වවිද්‍යාලය සිදු කළ පර්යේෂණයක ප්‍රතිඵලයක් ලෙස සර්කෝනියම් නිෂ්පාදනයට පේටන්ට් බලපත්‍රය හිමිව ඇති බව රජයේ විශ්වවිද්‍යාල උපකුලපති සංගමයේ සභාපති සහ රජරට විශ්ව විද්‍යාලයේ උපකුලපති මහාචාර්ය සංජීවනී ගිනිගද්දර මහත්මිය පවසනවා.

අනුරාධපුරයේදී පසුගියදා පැවති ප්‍රවෘත්ති සාකච්ඡාවකට එක්වෙමින් උපකුලපතිවරිය මේ බව අනාවරණය කළා.

ඇය සඳහන් කළේ ලෝකයේ හොඳම ඉල්මනයිට් ලෙස සැලකෙන පුල්මුඩේ ඉල්මනයිට් යොදා ගනිමින් රජරට විශ්වවිද්‍යාලයේ තාක්ෂණ පීඨයේ මහාචාර්ය ආනන්ද කරුණාරත්න මහතා ඇතුළු පර්යේෂකයින් කණ්ඩායමක් සිදු කළ පර්යේෂණයක ප්‍රතිඵලයක් ලෙස සර්කෝනියම් නිෂ්පාදනයට පේටන්ට් බලපත්‍රය හිමිව ඇති බවයි.

ඒ සම්බන්ධයෙන් වැඩිදුරටත් අදහස් පළ කළ රජරට විශ්ව විද්‍යාලයේ උපකුලපති මහාචාර්ය සංජීවනී ගිනිගද්දර මහත්මිය,

“සර්කෝනියම් යනු රත්රන් වැනි වටිනා ද්‍රව්‍යයක් . මේ වන විට ශ්‍රී ලංකාව ඉල්මනයිට් අපනයනය කළත්  විශාල විදේශ විනිමය ප්‍රමාණයක් වියදම් කරමින් සර්කෝනියම් ආනයනය කරනවා. කෙසේවෙතත්, පේටන්ට් බලපත්‍රය ලැබීමෙන් පසුව දේශීයව නිෂ්පාදනය කරන ලද සර්කෝනියම්,  ජෙට් එන්ජින්, ගුවන් යානා, අභ්‍යවකාශ පටල, සෙරමික්, බල්බ පිලමන්ට් ආදිය සඳහා යොදා ගැනීමට හැකියාව පවතිනවා.

කෙසේ වෙතත්, සර්කෝනියම් නිශ්පාදනය සඳහා වාණිජමය වශයෙන් ආයෝජනය කිරීමට විශ්වවිද්‍යාලයට අවසර නැහැ. එමෙන්ම ඒ සඳහා ඇයවන අධික නිශ්පාදන පිරිවැය දැරීමටද විශ්වවිද්‍යාලයට හැකියාවක් නැහැ. අපට පුලුවන් මේ සඳහා අවශ්‍ය තාක්ෂණික දැනුම ලබා දෙන්න පමණයි. කෙසේවෙතත් මෙවැනි ව්‍යාපෘ තියක් සඳහා ආයෝජනය කරන්න මේ වන විට පෞද්ගලික අංශයේ සමාගම් කිහිපයක් කැමැත්ත පළ කර තිබෙනවා”

මේ අතර, සර්කෝනියම් සඳහා පේටන්ට් බලපත්‍ර ලබා ගැනීමත් සමඟ ශ්‍රී ලංකාවේ ක්‍රියාත්මක විශ්වවිද්‍යාල 17 අතුරින් පර්යේෂණ අංශයෙන් රජරට විශ්වවිද්‍යාලයට දිවයිනේ ප්‍රථම ස්ථානයට පැමිණීමට හැකිවී ඇති බවද මහාචාර්ය සංජීවනී ගිනිගද්දර මහත්මිය පවසනවා.

රජරට විශ්වවිද්‍යාලයේ ක්‍රියාත්මක කෘෂිකර්ම, ව්‍යවහාරික විද්‍යා, සමාජ විද්‍යා සහ මානව ශාස්ත්‍ර, වෛද්‍ය සහ සමාන්තර විද්‍යා යන පීඨ සහ පීඨාධිපතිවරුන්ගේ කැපවීමද මේ ජයග්‍රහණය ලබා ගැනීමට විශාල පිටිවහලක් වූ බව ඇය තවදුරටත් පෙන්වා දෙනවා.

එමෙන්ම, රජරට විශ්වවිද්‍යාලය 1996 ජනවාරි 31 දා ශ්‍රී ලංකාවේ 14 වන විශ්වවිද්‍යාලය ලෙස ආරම්භ වී පසුගිය කාලයේ ලෝකයේ ශ්‍රේණිගත කිරීම්වලට අනුව 6000 වැනි ස්ථානයේ සිට 3015 වන ස්ථානයට රැගෙන ඒමටද හැකි වූ බව ද උපකුලපතිවරිය මෙහිදී සඳහන් කර තිබෙනවා.

එමෙන්ම, රජරට විශ්වවිද්‍යාලය මෙරට විශ්වවිද්‍යාල අතුරින් 2013 වසරේ 13 වන ස්ථානයේත් 2021 වසරේ 8 වැනි ස්ථානයෙත්, රැඳී සිටිමින්, මේ වසරේ 6 වන ස්ථානයට පැමිණීමට හැකි වූ බවද  මහාචාර්ය සංජීවනී ගිනිගද්දර මහත්මිය පවසනවා.

ඇය තවදුරටත් පවසා ඇත්තේ වසර හතරම විද්‍යාර්ථයින්ට අඛණ්ඩව නේවාසික පහසුකම් සපයන දිවයිනේ එකම විශ්වවිද්‍යාලය රජරට විශ්වවිද්‍යාලය වන අතර මේ වන විට එහි විවිධ ව්‍යාපෘති මෙන්ම පාඨමාලා රැසක්ද ක්‍රියාත්මක වන බවයි.

RECENT ARTICLES - SINHALA

ඩයනට එරෙහිව තවත් නඩුවක්

අධිකරණයට අපහාස කළ බවට චෝදනා කරමින් හිටපු රාජ්‍ය ඇමතිනි ඩයනා ගමගේ මහත්මියට එරෙහිව ශ්‍රේෂ්ඨාධිකරණයට පෙත්සමක් ඉදිරිපත් කර තිබෙනවා. වැලිගම නගර සභාවේ හිටපු සභාපති රෙහාන් ජයවික්‍රම...

නිවාස වල උරුමකරුවන්ටත් ඔප්පු

අඩු ආදායම්ලාභී පවුල් 50,000කට හිමිකම් ඔප්පු ලබා දීමේ වැඩපිළිවෙල යටතේ නිවාස වල පූර්ණ අයිතිය පැවරීමේ දී මුල් ප්‍රතිලාභියා මරණයට පත්ව ඇත්නම් දැනට නිවසේ පදිංචි...

වෙඩි තැබීමකින් අයෙක් රෝහලේ

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල තුවාල සිදුවූ පුද්ගලයකු අනුරාධපුර ශික්‍ෂණ රෝහලට ඇතුලත් කර තිබෙනවා. මෙලෙස වෙඩි වැදීමෙන් තුවාල ලබා ඇත්තේ පදවිය,...

POPULAR ARTICLES

ඩයනා අතුරුදන්

ව්‍යාජ තොරතුරු ඉදිරිපත් කර, විදෙස් ගමන් බලපත්‍රයක් ලබා ගැනීම සම්බන්ධ නඩුවේ සැකකාරියක් වශයෙන් හිටපු රාජ්‍ය ඇමතිනී ඩයනා ගමගේ නම් කිරීමට කොළඹ ප්‍රධාන මහේස්ත්‍රාත් අධිකරණයෙන්...

ඉන්දියාවෙන් ලංකාවට එන අලුත්ම පෙට්‍රල් වර්ගය

Indian Oil සමාගම ඉතිහාසයේ පළමු වරට ඔක්ටේන් 100 සුපිරි වර්ගයේ පෙට්‍රල් තොගයක් ශ්‍රී ලංකාවට අපනයනය කර ඇති බවට වාර්තා වනවා. පසුගිය මැයි 18 වනදා මුම්බායේ...

ඩොලරයේ වෙනසක්

ශ්‍රී ලංකා මහ බැංකුව විසින් අද (20) නිකුත් කරන ලද මුදල් විනිමය අනුපාත වාර්තාවට අනුව පසුගිය සතියට සාපේක්ෂව අද දින ඩොලරයේ ගැනුම් සහ විකුණුම්...