කොළඹ ජාතික රෝහලේ බාහිර රෝගී අංශයේ රුධිර පරීක්ෂ දින තුනක් තිස්සේ නතර වී තිබීමෙන් රෝගීන් දැඩි අපහසුතාවට පත්ව ඇති බව සෞඛ්ය වෘත්තිය සමිති පවසනවා.
වෘත්තිය සමිති සඳහන් කරන්නේ, මෙම තත්වය හේතුවෙන් රෝගීන්ට පෞද්ගලික පරීක්ෂණාගාරවලින් මුදල් ගෙවා රුධිර පරීක්ෂණ වාර්තා ගෙන ඒමට සිදුව ඇති බවත්, රුධිර පරීක්ෂණ නතර වීමෙන් ඩෙංගු රෝගීන්ට ප්රතිකාර කිරීම දැඩි අර්බුදයක් බවට පත්ව ඇති බවයි.
රුධිර පරීක්ෂණ නැවත ආරම්භ කරන දිනයක් අදාල බලධාරීන් ප්රකාශ නොකරන අතර, මෙම තත්වය හේතුවෙන් අසරණ රෝගීන් දැඩි අපහසුතාවට පත්ව සිටින බවද සඳහන් කළා.
කොළඹ ජාතික රෝහලේ නියෝජ්ය අධ්යක්ෂ වෛද්ය රුක්ෂාන් බෙල්ලන මහතා පැවසුවේ, බාහිර රෝගී අංශය ස්ථාපිත නව ගොඩනැගිල්ලේ වායු සමීකරණ පද්ධතිය බිඳ වැටීම හේතුවෙන් එම තත්වය උද්ගත වී ඇති බවත්, එය එසේ වුවද ප්රධාන රුධිර පරීක්ෂණ ඒකකය හරහා රුධිර පරීක්ෂාවන් කරන බවයි.