මෙවර ඉන්දියන් ප්රීමියර් ලීග් තරගාවලියේ දෙවැනි තරගය පන්ජාබ් කිංග්ස් සහ කොල්කටා නයිට් රයිඩර්ස් අතර මොහාලි හිදී පැවැත්වුණා.
පළමුවෙන් පන්දුවට පහර දුන් පන්ජාබ් කණ්ඩායම නියමිත පන්දුවාර 20 තුළ කඩුලු 5ක් දැවී ලකුණු 191ක් ලබා ගත්තා.
එහිදී විශිෂ්ට පිතිහරඹයක නිරත වූ භානුක රාජපක්ෂ ලකුණු 50ක් රැස් කළා.
කල්කටා කණ්ඩායම පන්දුවාර 16කදී කඩුලු 7ක් දැවී ලකුණු 146ක් ලබා සිටියදී තරගයට වර්ෂාවෙන් බාධා එල්ල වුණා.
ඒ වන විට ඩක්වත් සහ ලුවිස් න්යායට අනුව තරගය ජය ගැනීමට කල්කටා කණ්ඩායමට අවශ්යව තිබූ ලකුණු ගණන 154ක්.
විශේෂයෙන්ම තරගයේ 15 වැනි සහ 16 වැනි පන්දුවාර දෙකේදීම කඩුලු 2ක් බිඳ වැටීම තරගයේ තීරණය මුලුමනින්ම කණපිට හරවනු ලැබුවා.
ඒ අනුව වර්ෂාව නතර නොවන බව නිරීක්ෂණය කළ විනිසුරුවරුන් සහ තරග තීරකවරයා ජයග්රහණය පන්ජාබයට ලබා දීමට තීරණය කළා.
ඒ් අනුව පන්ජාබ් කණ්ඩායම ඩක්වත් සහ ලුවිස් න්යායට අනුව ලකුණු 7කින් තරගය ජය ගැනීමට සමත් වුණා.
ලක්නව් සුපර් ජයන්ට්ස් සහ දිල්ලි කැපිටල්ස් අතර තරගය මේ වන විට ලක්නව් හිදී පැවැත්වෙනවා.