පසුගිය මාස තුනක කාලය තුළ හෘදයාබාධ සහ දියවැඩියාව හේතුවෙන් කොළඹ නගරයේ වයස අවුරුදු 50 ට අඩු පුද්ගලයින් 100 ක් පමණ මිය ගොස් තිබෙන බව වාර්තා වනවා.
කොළඹ ජාතික රෝහලේදී සිදුකළ පශ්චාත් මරණ පරීක්ෂණවලින් මේ බව අනාවරණය වී තිබෙනවා.
මීට අමතරව, හෘදයාබාධ සහ දියවැඩියාව හේතුවෙන් වයස අවුරුදු 50 ත් 60 ත් අතර පුද්ගලයින් 200 ක් මිය ගොස් තිබෙන බවයි එම වාර්තා පෙන්වා දෙනවා.
මෙම ප්රවණතාවය භයානක වන අතර වයස අවුරුදු 50 ට අඩු පුද්ගලයින්ගේ මරණ සඳහා පාරම්පරික සාධකයට අමතරව ආහාර පුරුදු සහ ජීවන රටා තේරීම් බලපා ඇති බවයි වෛද්යවරුන් පවසනවා .
විශේෂඥයන් පවසන පරිදි, අධි රුධිර පීඩනය සහ හෘදරෝග මේ සඳහා විශාලතම අවදානම් සාධකයක් වන අතර හෘදයාබාධ වැඩිවීමට සමානව, තරුණ වැඩිහිටියන්ගේ අධි රුධිර පීඩනය ද වැඩිවෙමින් පවතින බව වෛද්යවරුන් සඳහන් කළා.