නොවැම්බර් 16 වන දින කෙටේතැන්න සදසිළුගම ප්‍රදේශයේ නිවසකට පෑලියගොඩ සිට පැමිණි පුද්ගලයෙකු පැය කිහිපයකට පසු එම නිවසේ මිදුලේ වැටී මියගොස් ඇති බව පැල්මඩුල්ල සෞඛ්‍ය වෛද්‍ය නිලධාරී කාර්යාලයේ ෆේස්බුක් පිටුවේ සදහන් කර ඇත.
කොවිඩ් අවධානම් කලාපයක සිට පැමිණි බැවින්, ඔහුට කොවිඩ් යැයි සැක සහිත බැවින් අදාල මියගිය පුද්ගලයාගේ දේහය PCR පරීක්ෂණය සදහා නොවැම්බර් 17 දින අලුයම රත්නපුර ශික්ෂණ රෝහලට යොමු කර ඇති බවත් කහවත්ත පොලිස් ස්ථානයේ නිලධාරින් හා එක්ව අදාල මෘතදේහය රෝහලට යොමු කිරීම කළබවත් එහි සදහන් කර ඇත.
මෙහිදී අදාල පුද්ගලයා ආගිය ස්ථාන හදුනාගෙන ඔවුන් ස්වයං නිරෝධායනයට යොමු කළ බවත් කෙටේතැන්න පිහිටි වෙළද ආයතන 2ක් ඒ ඇති බවත් එහි සදහන් කර ඇත. එම පුද්ගලයා පෑලියගොඩ සිට කෙටේතැන්න ප්‍රදේශයට බස් රථයකින් පැමිණ ඇති බවට කරුණු අනාවරණය කරගත් බවත් CCTV පරික්ෂාකර අදාල බස් රථය හදුනා ගැනීමේ කටයුතු සිදු කරන බවත් සදහන් කර ඇත.
