දකුණු පළාත් පරිසර අමාත්‍යංශය, රුහුණු සංචාරක කාර්යංශය සමග එක්ව අම්බලන්තොට ප්‍රාදේශීය සභාවේ අරමුදල් සහ සම්පත් යොදා ගනිමින් රුපියල් ලක්ෂ 58ක වියදමෙන් ඉදිකෙරුණු නෝනාගම වෝටර් පාර්ක් ජල උද්‍යානය ඊයේ (27) පස්වරුවේ අග්‍රාමාත්‍ය මහින්ද රාජපක්ෂ මහතාගේ ප්‍රදානත්වයෙන් විවෘත කෙරුණා.
අම්බලන්තොට ප්‍රාදේශීය සභාවේ සභාපති එම්.ආර්.පී. දර්ශන සංජීව මහතාගේ සංකල්පයකට අනුව කතරගමට-අතරමග ව්‍යාපෘතියේ තවත් එක් පියවරක් ලෙස මෙම උද්‍යානය සංවර්ධනය කර තිබෙනවා.
එම ජල උද්‍යානය ඇවිදින මංතීරු සහ ළමා උද්‍යාන ඇතුළු ආකර්ෂණීය ස්ථාන රැසකින් සමන්විතයි.
මෙම අවස්ථාවට අමාත්‍යවරු වන චමල් රාජපක්ෂ, නාමල් රාජපක්ෂ, රාජ්‍ය අමාත්‍ය ඩී.වී. චානක, පාර්ලිමේන්තු මන්ත්‍රිවරු වන අජිත් රාජපක්ෂ, උපුල් ගලප්පත්ති, දකුණු පළාත් ආණ්ඩුකාර විලී ගමගේ, දකුණු පළාත් සභා සභාපති සෝමවංශ කෝදාගොඩ, අම්බලන්තොට ප්‍රාදේශීය සභාවේ සභාපති එම්.ආර්.පී. දර්ශන සංජීව මහත්වරු ඇතුළු ප්‍රාදේශිය සභා මන්ත්‍රිවරු හා ප්‍රදේශවාසීහු රැසක් එක්ව සිටියා.
