20 වැනි ආණ්ඩුක්රම ව්යවස්ථා සංශෝධනය සම්මත කර ගන්නා අවස්ථාවේදී ජනතාව පීඩාවට පත්නොවන කරුණු සම්බන්ධයෙන් දැවැන්ත ආණ්ඩු විරෝධයක් ගොඩනැඟූ ඇමතිවරුන් අද ඉන්ධන මිල වැඩිකර ජනතාව පීඩාවට පත්වෙද්දී ආණ්ඩුව තුළ ඊට එරෙහිව කිසිදු විරෝධතාවක් නොකරන බව ශ්රී ලංකා පොදුජන පෙරමුණේ පාර්ලිමේන්තු මන්ත්රී ජගත් කුමාර මහතා පවසයි.
පාර්ලිමේන්තු මන්ත්රී ජගත් කුමාර මහතා මේ බව පැවසුවේ ඊයේ (13) පැවති මාධ්ය හමුවක් අමතමින්.
මෙහිදී වැඩිදුරටත් අදහස් දැක්වූ මන්ත්රීවරයා,
“පහුගිය කාලෙ අපි කිව්වෙ විපක්ෂෙදි මේ සියලු දේම කරලා මිනිස්සු පිට බර පටවනවා නම් එහෙම ආණ්ඩු ඕනෙ නෑ කියලා. ඒවගේම තමා ඒක අපෙ ආණ්ඩුවටත් සාධාරණයි. ඒ ඇමතිවරු 20 වෙනි සංශෝධනය ගේනකොට ජනතාවට දැනෙන්නෙ නැති කාරණාවලට පක්ෂ විදියට සංවිධානය වෙලා මහ විශාල විරෝධතාවක් ගෙනාවා ආණ්ඩුවට විරුද්ධව. මේ බදු බර ජනතාවට වට්ටලා මිනිස්සු හොම්බෙන් යවන්නෙ නැතුව ඒ අයට පුළුවන් නේ මේක ආණ්ඩුව ඇතුළෙ සාකච්ඡා කරලා බේරාගන්න ඒ අයට ඕනෙම විරෝධතාවක් කරගෙන ?”