ජනතාව සාමාන්‍යයයෙන් දැක නැති ආකාරයේ ඇදුමකින් පොලිස් නිළධාරීන් සැරසී, මහියංගණය – මහනුවර ප්‍රධාන මාර්ගයේ මහවැලි පාලම අසල අද (30) විශේෂ රථවාහන පරික්ෂාවක් සිදුකරනු ලැබූවා.
‘යුක්තිය’ මෙහෙයුමට සමගාමීව සිදුකෙරුණු මත්ද්‍රව්‍ය වැටලීම් සඳහා රථවාහන පරික්ෂාව හා මහජනතාව පරික්ෂාව සඳහා මෙම පොලිස් නිලධාරීන් යොදවා තිබුණා.
මේ සඳහා මහියංගණ මාපාකඩවැව පොලිස් පුහුණු පාසලේ පුහුණුව ලබන ආධුනික පොලිස් නිලධාරීන් 240ක් මෙම අමුතු ඇදුම් ඇද මාර්ගයේ රාජකාරිවල යොදවා තිබෙනු දක්නට ලැබුණා.
රිදිමාලියද්ද, ඇකිරියන් කුඹුර, ලොග්ගල්ඔය, දඹාන 51 කණුව, වේරගංතොට පාලම අසල, සොරබෝර හංදිය යන ස්ථාන 06ක රථවාහන පරික්ෂාව සඳහා ජ්‍යෙෂ්ඨ පොලිස් නිලධාරීන් යටතේ එම නවක නිළධාරීන් යොදවා තිබුණා.
එක්වරම පාරට පැන මෙම අමුතු ඇදුම් ඇදගත් පුද්ගලයින් රථවාහන නවත්වා පරික්ෂා කිරීමේදී සාමාන්‍ය ජනතාව අපහසුතාවයට ලක්වන ආකාරයද දක්නට ලැබුණා.
මීට පෙර සිවිල් ඇඳුමෙන් සැරසුනු පොලිස් නිලධාරියෙක් නාරම්මලදී ලොරි රථයක් නොනැවතී ධාවනය කිරීම හේතුවෙන් ඔහු හඹා ගොස් වෙඩි තැබීමේ සිදුවීමක් රටේ දැඩි ආන්දෝලනයක්ද ඇති කිරීමට හේතු වූවා.
