අධිකරණයේ පෙනී සිටීම සඳහා ඉස්ලාමාබාද් අගනුවරට යමින් සිටින පාකිස්තානයේ හිටපු අගමැති ඉම්රාන් ඛාන්ගේ ලාහෝර් නිවස පාකිස්තාන පොලිසිය විසින් වටලා තිබෙනවා.
ඉම්රාන් ඛාන් අධිචෝදනා ගොනු කිරීමට නියමිත රාජ්ය තෑගි නඩුවකට අදාළව අධිකරණය විසින් කැඳවනු ලැබ තිබෙන අතර ඔහු ලාහෝර් සිට පිටත්ව ගිය විගස, පන්ජාබ් පළාතේ අගනුවර පොලිසිය ඔහුගේ නිවස වැටලීම සිදු කර තිබෙන බවට විදෙස් මාධ්ය වාර්තා කරනවා.
එම අවස්ථාවේ ඉම්රාන් ඛාන්ගේ බිරිඳ වන බුෂ්රා බෙගම් පමණක් නිවසේ සිට තිබෙන බවට සඳහන් වනවා.
මේ පිළිබඳ පාකිස්ථානයේ හිටපු අග්රාමාත්ය ඉම්රාන් ඛාන් සිය ට්විටර් ගිණුමේ සටහනක් ද පළ කර ඇති අතර ඔහු එමගින් ප්රශ්න කර ඇත්තේ තම බිරිඳ නිවසේ තනිව සිටියදී දොරගුලු කඩා නිවසට ඇතුළු වීමට ඔවුන්ට ඇති නෛතික හිමිකම කුමක් ද යන්නයි.