28 C
Colombo
Saturday, May 25, 2024

පොලිසියේ හතරක් ගෙවුණු පැය 24ට අනතුරුවලින් රෝහලට

- Advertisement -

‍ගෙවුණු පැය 24ක කාලය ඇතුළත දී පොලිසියේ හතර දෙනකු මාර්ග අනතුරුවලට ලක්ව රෝහල් ගත කර ඇතැයි පොලිස් මූලස්ථානයේ ආරංචි මාර්ග සඳහන් කරයි.

කරඳුගල පොලිස් ස්ථානයට අනියුක්තව රාජකාරි කරමින් සිටි පොලිස් කොස්තාපල්වරයකු මැදගම – බිබිල පාරේ බිබිලමුල්ල හංදියේදී වෙනත් යතුරු පැදියක ගැටී අනතුරට ලක්වී තිබේ. මෙම අනතුරින් යතුරුපැදි දෙකේම ගමන් ගත් දෙදෙනාම තුවාල ලබා ඇත. පොලිස් නිලධාරියා ගමන් ගත් යතුරුපැදිය ගැටුණු අනෙක් යතුරු පැදියේ සිටි පුද්ගලයා අනවධානයෙන් යතුරුපැදිය ධාවනය කළ නිසා මෙම අනතුර සිදුවූ බව මැදගම පොලිසිය කියයි.

බේරුවල පොලිස් ස්ථානයට අනියුක්තව රාජකාරි කරමින් සිට උප පොලිස් පරීක්ෂකවරයකු ද අනතුරකට ලක්ව රෝහල් ගත කර තිබේ. ප්‍රධාන මාර්ගයේ ධාවනය වූ මෝටර් රථයක් වෙනත් මාර්ගයකට හරවද්දී මෙම උප පොලිස් පරීක්ෂකවරයා ගමන් ගත් යතුරු පැදිය එහි ගැටී තිබේ. අනතුරින් තුවාල ලැබූ උප පොලිස් පරීක්ෂකවරයා බලපිටිය රෝහලට ඇතුළත්ව ප්‍රතිකාර ලබන බවත්, අනතුර සිදු කළ බව කියන මෝටර් රථය අනතුරින් පසු නොනවත්වා පළා ගොස් ඇති බවත් පොලිසිය පවසයි. එම මෝටර් රථය හඳුනා ගැනීම සඳහා බෙන්තොට පොලිසිය විමර්ශන පවත්වයි.

වැල්ලවත්ත පොලිසියට අනියුක්තව රාජකාරි කරමින් සිටි පොලිස් සැරයන්වරයකු ද අනතුරකට ලක්ව රෝහල් ගත කර තිබේ. වැල්ලවත්තේ මුහුද අයිනේ පාර අසල තිබෙන නාවික හමුදා කඳවුර අසල සේවය කරමින් සිටි බව කියන මෙම සැරයන් වරයා ශරීරකෘත්‍යක් සඳහා මුහුද අයිනට ගොස් තිබේ. එලෙස ගොස් යළිත් රාජකාරියට එද්දී දුම්රියක ගැටී මෙම අනතුර සිදුව ඇති අතර මේ වන විට ඔහු කළුබෝවිල රෝහලේ ප්‍රතිකාර ලබවයි.

හොරොව්පතාන බුද්ධි ඒ්කකයට අනියුක්ත පොලිස් කොස්තාපල්වරයකු ද අනතුරක් නිසා තුවාල ලබා අනුරාධපුර රෝහලට ඇතුළත් කර තිබේ. යකල්ල-ගල්කුලම මාර්ගයේ අලුත්ගම දී මෙම අනතුර සිදුව ඇති අතර ඔහු ගමන් ගත් යතුරු පැදිය කුඩා ලොරි රථයක ගැටී ඇතැයි පොලිසිය පවසයි.

RECENT ARTICLES - SINHALA

අල්ලපු ගෙදරින් විදුලිය ගන්න ගිය පුද්ගලයෙක් මරුට

තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා. මෙසේ...

දියතලාව – හපුතලේ මාර්ගය වැසේ

ගස් කඩා වැටීමේ අවදානම හේතුවෙන් දියතලාව – හපුතලේ මාර්ගය අද (24) රාත්‍රීයේ වසා දැමීමට තීරණය කර ඇති බව ආපදා කළමනාකරණ මධ්‍යස්ථානය සඳහන් කරනවා. ඒ අනුව,...

අල්ලස් ගත් විදුහල්පතිවරයෙක් අත්අඩංගුවට

දරුවන්ගේ උදෑසන ආහාර වේල සැපයීමේ කටයුත්ත කරගෙන යෑම සඳහා ආහාර වේල සැපයීමේ ටෙන්ඩරය ලබාගත් කාන්තාවගෙන් රුපියල් විදුහල්පති රුපියල් 30,000ක අල්ලසක් ලබාගන්නා අවස්ථාවේදී අල්ලස් කොමිසමේ...

POPULAR ARTICLES

පොලිස් කාන්තාවගේ වීඩියෝ එක ගැන පොලීසියෙන් ප්‍රකාශයක්

ලියාපදිංචි සහිතකය නොමැතිව මධ්‍යම පළාතේ පුද්ගලයෙකු හට අයිති වාහනයක් සබරගමුව පළාත තුළ ධාවනය කළ රියදුරෙකුට පොලිස් කාන්තාවක් දඩයක් නියම කරන අයුරු දැක්වෙන වීඩියෝවක් මේ...

පාසල් නිවාඩුව ගැන විශේෂ නිවේදනයක්

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දැනුම් දෙනවා. අධ්‍යාපන අමාත්‍යංශය නිවේදනය...

වාහන ආනයනය ගැන සුබ ආරංචියක්

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන...