රැඳවුම් නියෝග මත රහස් පොලිස් බාරයේ පසුවන ජාත්යන්තර මත්ද්රව්ය ජාවාරම්කරුවකු හා සංවිධානාත්මක අපරාධකරුවෙකු වන නදුන් චින්තක හෙවත් හරක් කටාට අපරාධ පරීක්ෂණ දෙපාර්තමේන්තුවෙන් පළා යාමේ සැලසුම සඳහා අපරාධ පරීක්ෂණ දෙපාර්තමේන්තුවේ ඉහළම නිලධාරීන් මෙන්ම දේශපාලනඥයන්ද සම්බන්ධ වී ඇති බව පොලිසියේ ආරංචි මාර්ග සඳහන් කරනවා.
දිගින් දිගටම සිදුකරන විමර්ශන වලදී මෙම තොරතුරු හෙළි වී තිබෙන බවට වාර්තා වනවා.
රහස් පොලිසියෙන් පළායාමට හරක් කටාට උදව් කළ පොලිස් කොස්තාපල්වරයාගේ පලා යෑමෙන් පසු රහස් පොලිස් රථගාලේ රඳවා තිබූ යතුරු පැදියක් පොලිසිය විසින් හඳුනාගෙන තිබෙනවා.
එමෙන්ම හරක් කටාට එම ස්ථානයෙන් පළා යාම සඳහා පැමිණ රදවා ඇති බව පවසන මෝටර් රථයක් සම්බන්ධයෙන් තොරතුරු රැසක් හෙළි වී තිබෙන බවත් එම මෝටර් රථය කඩිනමින් අත්අඩංගුවට ගැනීමට පරීක්ෂණ පවත්වමින් සිටීන බවත් ආරංචි මාර්ග සඳහන් කරනවා.
මේ අතර හරක් කටාගෙ සුවදුක් බැලීම සඳහා රහස් පොලිසිය වෙත පැමිණි ගම්පහ දිස්ත්රික්කයේ හිටපු අමාත්යවරයෙකුගේ ප්රබලම ආධාරකරුවන් දෙදෙනකු ද ඊයේ(17) දිනයේ පොලිසිය විසින් අත්අඩංගුවට ගෙන තිබෙනවා.