ලෝකයේ සංවර්ධනය වෙමින් පවතින රටවල්, චීනයට සහ එරටට සම්බන්ධ වෙනත් ණය දෙන ආයතනවලට මේ වසරේ දී ඩොලර් බිලියන 14 කට ආසන්න මුදලක් ණය වාරික ලෙස ගෙවීමට ඇති බව පර්යේෂණ වාර්තාවක් මගින් පෙන්වා දී තිබේ.
ෂැංහයි හි ෆුඩාන් විශ්ව විද්යාලයේ හරිත මූල්ය සහ සංවර්ධන මධ්යස්ථානයේ වාර්තාවකට අනුව රටවල් 68ක් පමණ මේ වසරේ ණය පිරිවැය වශයෙන් ඇමරිකානු ඩොලර් බිලියන 52.8ක් විවිධ රටවලට ගෙවීමට ඇති අතර එයින් හතරෙන් එකකට වඩා චීනයට ගෙවීමට නියමිතව ඇත.
එම වාර්තාවට අනුව සංවර්ධනය වෙමින් පවතින රටවලට විශාලතම ණය දෙන්නන්ගෙන් ප්රමුඛතම රටක් වී ඇත්තේ චීනයයි.
2020 වසර අවසානය වන විට රටවල් 68 ක් චීනයට සහ එහි ණය දෙන්නන්ට ඇමරිකානු ඩොලර් බිලියන 110 ක් පමණ ණය වී ඇති බව අදාළ වාර්තාව මගින් අනාවරණය කර තිබේ.