26 C
Colombo
Tuesday, May 21, 2024

ඉරානයේ න්‍යෂ්ටික බලාගාරවලට පහර දීමේ සූදානමක්

- Advertisement -

ඉරානයෙන් එල්ල වූ මිසයිල සහ ඩ්‍රෝන ප්‍රහාරයට ප්‍රතිචාර දැක්වීමක් ලෙස ඊශ්‍රායලය, ඉරානයේ න්‍යෂ්ටික බලශක්ති බලාගාර ඉලක්ක කර ගනිමින් ප්‍රති ප්‍රහාර එල්ල කිරීමට ඉඩ ඇතැයි එක්සත් ජාතීන්ගේ පරමාණු බලශක්ති නිරීක්ෂකයෝ සැක පළ කරනවා.

එක්සත් ජාතීන්ගේ පරමාණු බලශක්ති නිරීක්ෂකයන් මෙසේ සැක පළ කළේ ‘සුදුසු වෙලාව බලා’ ඉරානයට ප්‍රහාරයක් එල්ල කරමින්, ඉරානය එල්ල කළ ප්‍රහාරයට ප්‍රතිචාර දක්වන බවට ඊශ්‍රායලය කළ අනතුරු ඇඟවීම සැලකිල්ලට ගනිමින්.

ප්‍රමාණයෙන් කුඩා රාජ්‍යයක් වුවත්, ඇමෙරිකාව ඇතුළු බටහිර රටවල සහාය ලබන ඊශ්‍රායලය, අති නවීන අවි ආයුධ සහ යුදෝපකරණවලින් සමන්විත වන අතර, නෂ්ටික යුද ශීර්ෂ 400 ක් පමණ ඊශ්‍රායල හමුදාව සතු වනවා.

එක්සත් ජාතීන්ගේ පරමාණු බලශක්ති නිරීක්ෂකයන් වැඩි දුරටත් සැක පළ කරන්නේ, මෙම යුද ශීර්ෂ සවි කළ මිසයිලවලින් ඊශ්‍රායලය ඉරානයේ න්‍යෂ්ටික බලශක්ති බලාගාර ඉලක්ක කර ගනිමින් පහර දුන්නොත්, එම ප්‍රහාර වළක්වා ගැනීමට ඉරානයට හැකියාවක් නොලැබෙනු ඇති බවත්, නෂ්ටික පිපිරීම් සිදුවී මහා විනාශයක් සිදුවනු ඇති බවයි.

පරමාණු බලශක්ති බලාගාරවලට පහර දීමෙන්, ඉරානය ක්ෂණිකව අඩපණ කිරීමට ඊශ්‍රායලයට හැකියාව ලැබෙනු ඇති බවද පරමාණු බලශක්ති නිරීක්ෂකයින් පෙන්වා දෙනවා.

ඉරානය, ඊශ්‍රායලයට මිසයිල සහ ඩ්‍රෝන යොදා ගනිමින් පහර දුන්නේ පසුගිය 13 වැනිදායි.

ඒ, ඊශ්‍රායල මිසයිල ප්‍රහාරයකින් සිරියාවේ ඉරාන කොන්සල් කාර්යාලය විනාශ වී, ඉරාන විප්ලවීය හමුදාවේ ප්‍රධානීන් දෙදෙනකු ද ඇතුළු පිරිසක් මියයෑමේ සිද්ධියට පලිගැනීමක් ලෙසයි.

ඉරානයෙන් ඊශ්‍රායලයට එල්ල වුණු මිසයිල සහ ඩ්‍රෝන යානා උඩු ගුවනේදී පහර දී විනාශ කිරීමට ඊශ්‍රායල හමුදාව සමත් වූ අතර, ඇමෙරිකාව, මහා බ්‍රිතාන්‍ය‍ය පමණක් නොව, ජෝර්දානයෙන් ද ඊට සහාය හිමි වුණා.

RECENT ARTICLES - SINHALA

ඩයනට එරෙහිව තවත් නඩුවක්

අධිකරණයට අපහාස කළ බවට චෝදනා කරමින් හිටපු රාජ්‍ය ඇමතිනි ඩයනා ගමගේ මහත්මියට එරෙහිව ශ්‍රේෂ්ඨාධිකරණයට පෙත්සමක් ඉදිරිපත් කර තිබෙනවා. වැලිගම නගර සභාවේ හිටපු සභාපති රෙහාන් ජයවික්‍රම...

නිවාස වල උරුමකරුවන්ටත් ඔප්පු

අඩු ආදායම්ලාභී පවුල් 50,000කට හිමිකම් ඔප්පු ලබා දීමේ වැඩපිළිවෙල යටතේ නිවාස වල පූර්ණ අයිතිය පැවරීමේ දී මුල් ප්‍රතිලාභියා මරණයට පත්ව ඇත්නම් දැනට නිවසේ පදිංචි...

වෙඩි තැබීමකින් අයෙක් රෝහලේ

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල තුවාල සිදුවූ පුද්ගලයකු අනුරාධපුර ශික්‍ෂණ රෝහලට ඇතුලත් කර තිබෙනවා. මෙලෙස වෙඩි වැදීමෙන් තුවාල ලබා ඇත්තේ පදවිය,...

POPULAR ARTICLES

ඩයනා අතුරුදන්

ව්‍යාජ තොරතුරු ඉදිරිපත් කර, විදෙස් ගමන් බලපත්‍රයක් ලබා ගැනීම සම්බන්ධ නඩුවේ සැකකාරියක් වශයෙන් හිටපු රාජ්‍ය ඇමතිනී ඩයනා ගමගේ නම් කිරීමට කොළඹ ප්‍රධාන මහේස්ත්‍රාත් අධිකරණයෙන්...

ඉන්දියාවෙන් ලංකාවට එන අලුත්ම පෙට්‍රල් වර්ගය

Indian Oil සමාගම ඉතිහාසයේ පළමු වරට ඔක්ටේන් 100 සුපිරි වර්ගයේ පෙට්‍රල් තොගයක් ශ්‍රී ලංකාවට අපනයනය කර ඇති බවට වාර්තා වනවා. පසුගිය මැයි 18 වනදා මුම්බායේ...

ඩොලරයේ වෙනසක්

ශ්‍රී ලංකා මහ බැංකුව විසින් අද (20) නිකුත් කරන ලද මුදල් විනිමය අනුපාත වාර්තාවට අනුව පසුගිය සතියට සාපේක්ෂව අද දින ඩොලරයේ ගැනුම් සහ විකුණුම්...