28 C
Colombo
Saturday, June 22, 2024
spot_img

තවත් ගල් අඟුරු බලාගාර එපා – ජනපති

- Advertisement -

ශ්‍රී ලංකාව පුනර්ජනනීය බලශක්තිය දෙසට හරවන බවට ප්‍රතිඥා දී ඇති අතර ලෝකය ඉදිරියේ විහිළුවක් වීමට අවශ්‍ය නැති බවත් එබැවින් ඕනෑම ගල් අඟුරු බලාගාරයක් පිහිටුවීම නතර කරන බව ජනාධිපති ගෝඨාභය රාජපක්ෂ මහතා පවසනවා.

ලංකා විදුලිබල මණ්ඩලය, විදුලිබල අමාත්‍යාංශය සහ සූර්ය බලශක්ති, සුළං හා ජල විදුලි උත්පාදන අමාත්‍යාංශයේ මාසික සමාලෝචන රැස්වීමේදී ජනාධිපති ගෝඨාභය රාජපක්ෂ මහතා මේ බව ප්‍රකාශ කර තිබෙනවා.

2030 වන විට පුනර්ජනනීය බලශක්තියෙන් සියයට 70 ක විදුලි අවශ්‍යතා උත්පාදනය කිරීමේ සිය ප්‍රතිපත්තියට අනුකූලව ලංකා විදුලිබල මණ්ඩලය ක්‍රියාත්මක කිරීමට සැලසුම් කරන ‘පිරිසිදු බලශක්ති’ ව්‍යාපෘති යටතේ යෝජිතව ඇති ද්‍රව ස්වාභාවික වායු (LNG) මුලපිරීම් පිළිබඳ මෙහිදී ජනාධිපතිවරයා දැනුම්වත් කර තිබෙනවා.

කෙසේවෙතත් මෙම තීරණය, නොරොච්චෝලේ ලක් විජය අඟුරු බලාගාරයේ මෙගාවොට් 300 ක ව්‍යාපෘතියට තර්ජනයක් වී ඇතැයි සන්ඩේ ටයිම්ස් පුවත්පත වාර්තා කරනවා.

එය චීන යන්ත්‍රෝපකරණ ඉංජිනේරු සංස්ථාවට ටෙන්ඩරයකින් තොරව භාර දී ඇති අතර ඒ සඳහා සූදානම් කිරීමේ කටයුතු දැනටමත් සැලකිය යුතු ප්‍රමාණයකින් සිදු කර ඇති බවයි වාර්තා වන්නේ.

සමාගමට මෙහි අංගසම්පූර්ණ ව්‍යාපෘති කාර්යාලයක් ඇතිවා පමණක් නොව, එය ක්‍රියාත්මක කිරීම සඳහා වෙනත් විශේෂඥයින් හැරුණු විට නීතිඥයන් සහ මූල්‍ය උපදේශකයින්ද බඳවා ගෙන තිබෙනවා.

එමෙන්ම මේ සඳහා පාරිසරික තක්සේරුවක් ද සිදු කර ඇතැයි වාර්තාවනවා.

චීන යන්ත්‍රෝපකරණ ඉංජිනේරු සංස්ථාව යනු නොරොච්චෝලේ හි අනෙක් ඒකක තුන ඉදිකරන ලද සමාගමයි.

කෙසේ වෙතත් LNG යනු පුනර්ජනනීය බලශක්තිය නොවනඅතර සියයට 70 ක පුනර්ජනනීය බලශක්ති ප්‍රතිපත්තිය ක්‍රියාත්මක කිරීමට නම් එය ගැසට් පත්‍රයක් මගින් අනිවාර්ය කළ යුතුය.

ගැසට් පත්‍රය ප්‍රකාශයට පත් කරන්නේ කවදාද යන්න මෙතෙක් සඳහන් කර නොමැත.

RECENT ARTICLES - SINHALA

ඔක්තෝබර් 12 ට කලින් ජනාධිපතිවරණය තියන්න ඕන – වජිර

ඔක්තෝබර් 12 වන දිනට පෙර දිනයකදී ජනාධිපතිවරණය පැවැත්විය යුතු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. ගාල්ලේදී පැවති එක්සත් ජාතික පාක්ෂිකයන් හමුවකදී ඒ මහතා මෙම...

සිසුවියක් සමූහ දූෂණයට ලක් කිරීමේ සිද්ධියට 6ක් අත්අඩංගුවට

16 හැවිරිදි දැරියක් සමූහ දූෂණයට ලක්කළ බව කියන සිද්ධිය සම්බන්ධයෙන් ඇයගේ පෙම්වතා ඇතුළු තරුණයන් 6 දෙනෙකු පොලීසිය විසින් අත්අඩංගුවට ගෙන තිබෙනවා. පොලීසිය සඳහන් කළේ අත්අඩංගුවට...

කාන්තා අයිතිවාසිකම් ගැන ජනපතිගේ කතාවකට ජාජබ නීතිඥයින්ගෙන් නඩුවක්?

කාන්තා අයිතිවාසිකම් පිළිබඳව ජනාධිපති රනිල් වික්‍රමසිංහ පාර්ලිමේන්තුවෙන් පිටතදී සිදු කළ ප්‍රකාශයකට එරෙහිව නඩු පැවරීමට සිදු වන බව ජාතික ජන බලවේගයේ නීතිඥයින් පවසා ඇති බවට...

POPULAR ARTICLES

යුද හමුදා මාණ්ඩලික ප්‍රධානී ධූරය​ට නව මේජර්වරයෙක්

ශ්‍රී ලංකා යුද හමුදාවේ මාණ්ඩලික ප්‍රධානී ලෙස මේජර් ජෙනරාල් රෝහිත අලුවිහාරේ මහ​තා පත් කර තිබෙනවා. අද (20) සිට ක්‍රියාත්මක වන පරිදි මෙම පත්වීම සිදුකරනු ලැබුවා....

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...

ලන්ඩන් රැස්වීමට අනුර සෙනඟ ඇද්දේ බස්වලින් – සමන් රත්නප්‍රිය

0
එංගලන්තයේ ලන්ඩන් නුවර පැවැත්වූ ජනහමුව සඳහා අනුර කුමාර දිසානායක සෙනඟ රැස්කර ඇත්තේ සුපුරුදු පරිදි බස්රථවලින් බව ජනාධිපති වෘත්තිය සමිති අධ්‍යක්ෂ ජනරාල් සමන් රත්නප්‍රිය මහතා...