කොවිඩ් 19 ගැටළු හේතුවෙන් සිරකරුවන් 600 දෙනෙකු ජනාධිපති සමාව මත නිදහස් කරන බව බන්ධනාගාර දෙපාර්තමේන්තුව පවසනවා.
ඒ අනුව ජනාධිපති සමාව මත නිදහස් කිරීමට සුදුසුකම් ඇති සිරකරුවන්ගේ නම් ලබා දෙන ලෙස බන්ධනාගාර මූලස්ථානය සියලු බන්ධනාගාරවලින් ඉල්ලා තිබෙනවා. මේ අනුව සුළු වැරදි සම්බන්ධයෙන් සිරගතව සිටින සිරකරුවන්ට සමාව සඳහා සුදුසුකම් සලකා බැලෙන බවයි වාර්තා වන්නේ.
ශ්රී ලංකාවේ දෙවන වසංගත රැල්ල අතරතුර සිරකරුවන් 800 ක් පමණ COVID 19 ආසාදනය වී තිබෙනවා.
මේ අතර මිනීමැරුම් චෝදනා මත ජීවිතාන්තය දක්වා සිරගතව සිටින හිටපු පාර්ලිමේන්තු මන්ත්රී දුමින්ද සිල්වා හටද නිදහස ලබාදීම පිළිබදවද පසුගියදා කතාබහට ලක්වුණා.
ඒ සදහා පාර්ලිමේන්තු මන්ත්රීවරුන් කිහිපදෙනෙකුගේ අත්සන් සහිත ලිපියක්ද ජනාධිපතිවරයා වෙත භාර දෙනු ලැබූවා.