අද (17) පස්වරුවේ පැවැත්වෙන පිලිප් කුමරුගේ අවමංගල්‍ය උත්සවයේදී පිලිප් කුමරුගේ දේහය රැගෙන යාමට නියමිත ලෑන්ඩ් රෝවර් රථයේ ඡයාරූපයයක් බකිංහැම් මාලිගාව විසින් මාධ්‍යයට නිකුත් කර තිබුනි.
එම රථය පිලිප් කුමරුගේ කැමැත්තට අනුව ලෑනඩ් රෝවර් කර්මාන්තශාලාවේදී නවීකරණය කර ඇත.
ලෑන්ඩ් රෝවර් රථ පැදවීමට දැඩි කැමැත්තක් දැක්වූ පිලිප් කුමරු මෑතක් වන තුරුම විවිධ අවස්ථා වල ලෑන්ඩ් රෝවර් රථ පදවාගෙන යන අයුරු ඡයාරූපය වල දකින්නට ලැබුනි.
ඒ කැමැත්ත අනුව ඔහු මියගිය දිනක ඔහුගේ දේහය රැගෙන යාමටද පිලිප් කුමරුගේ කැමැත්ත අනුව ලෑන්ඩ් රෝවර් රථයක් නවීකරණය කිරීමේ කටයුතු මීට වසර 16 කට පෙර එනම් 2003 වසරේදී ආරම්භ කෙරුනි.
ඒ ඔහුට 82 වියෙහිදිය.
විටින් විට ඔහුගේ අභිමතය අනුව විවිධ වෙනස්කම් කල එම රථය අවසාන වරට නවීකරණය කෙරුනේ ඔහුට 98 වැනි විය පිරුණු 2019 වසරේදීය.
දෙවන ලෝක යුධ සමයේදී රාජකීය නාවික හමුදාවට සේවය කල පිලිප් කුමරු එම රථයේ වර්ණය හමුදාව භාවිතා කරන අඳුරු කොල පැහැයෙන් වර්ණ ගැනීවීමට තීරණය කලේය.
රථය පිටුපස කොටස ආරක්ෂිතව මිනී පෙට්ටියක් ගෙනයා හැකි පරිදි නිර්මාණය කර ඇත.
රෝදවල හබ් වලටද කොල පැහැය ආලේප කර ඇති අතර ඒ සියළු වෙනසකම් පිලිප් කුමරුගේ කැමත්ත මත සිදු කෙරී ඇත.
එම රථය නිර්මාණය කිරීමේදී ඔහුගේ අරමුණ බකින්හැම් මාලිගාවේ සිට වින්සර් මාලිගයට දේහය පවාහනය කිරීම උවද පවතන කොරෝනා වසංගතය හේතුවෙන් එම සැලසුම පමණක් වෙනස් වී ඇත.
– තිලාන් ජයසේකර –
