බන්ධනාගාර ගැටුම ගැන රහස්‍ය වාර්තාව අධිකරණයට

මහර බන්ධනාගාරය තුළ ඇතිවූ ගැටුමේ දී මියගිය බන්ධනාගාර රැදවියන් 11 දෙනාගේ පශ්චාත් මරණ පරීක්ෂණ සඳහා පත්කළ විද්වත් කමිටුව විසින් සැකසු රහස්‍ය වාර්තාව අද (16) මහර මහෙස්ත්‍රාත් අධිකරණයට ඉදිරිපත් කර තිබෙනවා.
එහිදී ඉන් සිව් දෙනෙක්ගේ මෘත දේහ භූමදාන කිරීමට ඉඩ දෙන්නේ ද යන්න පිළිබඳ තීරණය අද දහවල් ලබාදීමට නියමිත බවයි වාර්තාවන්නේ.
අදාල ගැටුමෙන් බන්ධනාගාර රැදවියන් 11 දෙනෙක් මියගිය අතර ඉන් 8 දෙනෙක් කොවිඩ් 19 වෛරසය ආසාදනය වි තිබූ බවට පැවසුණා.
එමෙන්ම මහර බන්ධනාගාරය තුළ ඇතිවූ කළහකාරී සිද්ධියෙන් මියගිය පුද්ගලයින්ගේ පශ්චාත් මරණ පරීක්ෂණ බහුවිද විද්වත් කමිටුවක් මගින් සිදුකිරීමට අවසර ලබාදෙන ලෙස නීතිපති දෙපාර්තමේන්තුව පසුගිය 8 වැනිදා අධිකරණයෙන් ඉල්ලීමක්ද සිදුකර තිබුණා.