විස්සයි විස්ස ලෝක කුසලාන ක්රිකට් තරගාවලියේ ශ්රී ලංකාව සහ බංග්ලාදේශය අතර තීරණාත්මක තරගය හෙට (08) පැවැත්වීමට නියමිතව තිබෙනවා.
එම තරගය ඩලස් හි ග්රෑන්ඩ් ප්රේරි ක්රීඩාංගණයේ පැවැත්වීමට නියමිත අතර එම ක්රීඩාංගණය අවට උෂ්ණත්වය පසුගිය දින කිහිපයේ ඉතා වැඩි අගයක් ගෙන තිබු බව සඳහන්.
ඒ අනුව අද (07) දිනයේ ක්රීඩාංගණය අවට ප්රදේශයේ උෂ්ණත්වය සෙල්සියස් අංශ 35ක් ලෙස පැවති බවට වාර්තා වනවා.
මේ අතර හෙට තරඟයේදී ශ්රී ලංකා කණ්ඩායමේ වෙනස්කම් දෙකක් සිදුවනු ඇති බවටද වාර්තා වනවා.
ශ්රී ලංකාව සහ බංග්ලාදේශය අතර මේ දක්වා ජාත්යන්තර 20යි 20 තරග 16ක් පවත්වා ඇති අතර ඉන් තරග 11කම ජය හිමිකරගෙන ඇත්තේ ශ්රී ලංකාවයි.
කෙසේ වෙතත් ශ්රී ලංකාව මෙවර 20යි 20 ලෝක කුසලාන තරගාවලියේ පළමු තරගය දකුණු අප්රිකාව හමුවේ පරාජය වීම හේතුවෙන් හෙට බංග්ලාදේශය සමග පැවැත්වෙන තරගය ශ්රී ලංකාවට ඉතා තීරණාත්මක තරගයක් වනු ඇති.
ශ්රී ලංකා – බංග්ලාදේශ තරගය ශ්රී ලංකා වේලාවෙන් හෙට උදෑසන 6ට ආරම්භ වීමට නියමිතයි.