වැලිකඩ බන්ධනාගාරයේ සිරකරුවන් පිරිසක් ඝාතනය කිරීම ගැන නඩුවේ තීන්දුව ලබා දීමට නියමිත දිනට පෙර දින එම නඩුවේ ප්‍රධාන චූදිතයකු වන පොලිස් පරීක්ෂක එම්. රංගජීව නෙවමාල් මහතාට උසස්වීමක් ලබා දී තිබෙනවා.
2020 ජනවාරි 01 සිට ක්‍රියාත්මක වන පරිදි පොලිස් පරීක්ෂක රංගජීව මහතා ප්‍රධාන පොලිස් පරීක්ෂක තනතුරට උසස් කර පොලිස්පතිවරයා විසින් ඊයේ (05) නියෝග නිකුත් කර ඇති බවයි වාර්තා වන්නේ.
රංගජීව මහතාද චූදිතයකු වන වැලිකඩ බන්ධනාගාරයේ සිරකරුවන් ඝාතනය කිරීමේ මහාධිකරණ නඩු තීන්දුව අද (06) ප්‍රකාශයට පත් කිරීමට නියමිතව තිබුණා.
කෙසේවෙතත් තීන්දුවේ මුද්‍රණ දෝෂ සකස් කිරීමට කාලය අවශ්‍ය බව සඳහන් කරමින් ත්‍රිපුද්ගල මහාධිකරණය තීන්දුව ලබාදීම 12 වැනිදා තෙක් කල් තැබීමට විනිසුරුවරුන් නියෝග කළා.
