අද පස්වරුවේ පැවති කැබිනට් රැස්වීමට බුර්කාව සහ නිකාබය තහනම් කිරීමේ යෝජනාව ඉදිරිපත් කර නොමැති බව දේශපාලන ආරංචි මාර්ග සඳහන් කරනවා.
එය කැබිනට් මණ්ඩලයට ඉදිරිපත් නොකිරීමට හේතු කාරණා කුමක්දැයි තවමත් පැහැදිලි නැහැ.
කෙසේ වෙතත් අදාල යෝජනාව සම්බන්දයෙන් ලංකාවේ පාකිස්තාන මහ කොමසාරිස්වරයාද සිය අප්‍රසාදය පළ කර තිබුණා.
එමෙන්ම ශ්‍රී ලංකා පුවත්පත් මණ්ඩලයේ සභාපති මහින්ද පතිරණ මහතාද සරත් වීරසේකර අමාත්‍යවරයාගේ තීරණය දැඩිව විවේචනය කර සිය ෆේස්බුක් ගිණුමේ සටහනක් එක්කර තිබුණා.
බුර්කාව සහ නිකාබ් තහනම් කිරීම සඳහා තමා කැබිනට් පත්‍රයට අත්සන් කර ඇති බවත් එය මේ සතියේ කැබිනට් මණ්ඩලයට ඉදිරිපත් කිරීමට නියමිත බවත් මහජන ආරක්ෂක අමාත්‍ය සරත් වීරසේකර මහතා පසුගියදා ප්‍රකාශයට පත්කළා.
