ගෘහස්ථ ගෑස් සිලින්ඩරයක මිල රුපියල් 700 කින් ඉහළ දැමීම සඳහා පාරිභෝගික කටයුතු පිළිබඳ අධිකාරිය වෙත ඉල්ලීම් ඉදිරිපත්ව ඇති බව වෙළඳ අමාත්‍ය බන්දුල ගුණවර්ධන මහතා පවසනවා.
කෙසේ වෙතත්, ඒ සඳහා මේ වනතෙක් අනුමැතිය ලබාදී නොමැති අතර මිල ගණන් අධ්‍යයන කිරීම සඳහා පංච පුද්ගල අමාත්‍ය අනුකමිටුවක් පත් කර තිබෙනවා.
එම කමිටුව මගින් ලෝක වෙළඳපොලේ ගෑස් මිල වැඩිවීම සම්බන්ධයෙන් දීර්ඝ ලෙස අධ්‍යයනය කරමින් සිටින බවයි අමාත්‍ය බන්දුල ගුණවර්ධන මහතා පවසන්නේ.
මේ අතර, තිරිඟු පිටි මිල ඉහළ දැමීමට පිටි සමාගම් පාරිභෝගික කටයුතු අධිකාරිය වෙත ඉල්ලීමක් යොමු වී ඇති අතර පාරිභෝගික ආරක්ෂණ අමාත්‍යාංශය සඳහන් කළේ, අදාළ ඉල්ලීම මේ වනවිට තම අමාත්‍යාංශයට යොමු කර ඇති බවයි.
නිෂ්පාදන මිල ඉහළ යාම සහ මෙරට විදේශ විනිමය අනුපාතවල පහළ යාම හේතුවෙන් නිෂ්පාදන සඳහා පිරිවැය වැඩි වී ඇති බැවින් මෙම ඉල්ලීම යොමු වී ඇති නමුත් අමාත්‍යාංශය සඳහන් කරන්නේ පාන්පිටි මිල ඉහළ දැමීම සඳහා මෙතෙක් අවසර දී නොමැති බවයි
