කටාන හල්පේ ප්රදේශයේ පිහිටි ඕමාන ජාතිකයෙකුට අයත් කම්හලකට කඩා වැදී කළමනාකරුට සහ ආරක්ෂකයාට පහරදීමේ සිද්ධිය හේතුවෙන් එහි සේවය කළ පිරිසට මසක වැටුප් ගෙවා කම්හල මාසයකට වසා දැමීමට ගත් තීරණය හේතුවෙන් එහි සේවක සේවිකාවෝ 350ක් පමණ විදුලි බල රාජ්ය ඇමති ඉන්දික අනුරුද්ධ මහතාගේ හල්පේ පහේ කණුව ප්රදෙශයේ පිහිටි නිවස දක්වා ඊයේ (08) දහවල් විරෝධතා පා ගමණින් පැමිණ තිබෙනවා.
ඇමතිවරයාගේ හිතවතෙකුට එම ආයතනයට කුලී පදනම මත වාහනයක් ඇතුළු කිරීමට උත්සාහය අසාර්ථක වීම හේතුවෙන් එහි කඩා වැදුණු පිරිසක් මෙලෙස ප්රහාරයක් එල්ල කළා.
මෙම සිද්ධිය සිදුවී ඊට පසු දිනම පුද්ගලයන් තිදෙනෙක් බඩල්ගම පොලීසිය විසින් අත්අඩංගුවට ගනු ලැබුවා.
කෙසේ වෙතත් සිද්ධිය සම්බන්ධයෙන් සිදුකරන විමර්ශන විධිමත් නොමැති බවට එල්ලවූ චෝදනා හේතුවෙන් පරීක්ෂණ කටයුතු රහස් පොලීසියට පැවරීම සිදුකළා.
මේ අතර තම ආයතනයට නිසි ආරකෂාව සහතික කෙරෙන බවට රජයෙන් සහතිකයක් ලැබෙන තුරු ආයතනය පවත්වාගෙන යාම ගැටළුවක් බව සදහන් කරමින් මෙසේ සේවකියන්ට මසක වැටුප් ගෙවා ඇතැයිද මේ තත්ත්වය උද්ගතවූයේ රාජ්ය ඇමතිවරයාගේ බලපෑම නිසා බවට චොදනා කරමින් සේවක පිරිස ඊයේ (08) දහවල් මෙසේ විරෝධය දැක්වීම සිදු කරනු ලැබුවා.