ජනාධිපතිවරයාට මහජන උපයෝගීතා කොමිසම විසුරුවාහැරීමට අයිතියක් නැති බවත්, එය ඔහුගේ පාලනය යටතේ නොපවතින බවත් ජල සම්පාදන අමාත්‍ය වාසුදේව නානායක්කාර කැබිනට් මණ්ඩල රැස්වීමේදී ප්‍රකාශ කර ඇතැයි වාර්තා වේ.
එහිදී වාසුදේව නානායක්කාර මහතා පෙන්වා දී ඇත්තේ එය මහින්ද රාජපක්ෂ අගමැතිවරයා යටතේ පවතින බවය. ‘මහජන උපයෝගීතා කොමිසම ඔබ යටතේ පවතින ආයතනයක්. ඒ ගැන තීන්දුවක් ගන්න ඕනෑ ඔබ.’ වාසුදේව නානානයක්කාර මහතා මහින්ද රාජපක්ෂ අගමැතිවරයාට එලෙස කියා ඇත.
මහජන උපයෝගීතා කොමිසම ස්වාධීනව ක්‍රියාත්මක වන කොමිෂන් සභාවක් වන අතර ජල සහ විදුලි ඇතුළු මහජන අවශ්‍යතා පිලිබඳ එම කොමිසම ක්‍රියාත්මක වේ.
මෙම කොමිසම විසුරුවීමෙන් පසු පොදුජන අවශ්‍යතා නොමැති වීම ගැන චෝදනා ඍජුවම රජය මත පැටවෙන බව එහිදී වාසුදේව නානායක්කාර මහතා කියා ඇත.
