පාර්ලිමේන්තු පනතක් මගින් ස්ථාපිත කළ මහජන උපයෝගිතා කොමිසම අහෝසි කළ හැක්කේ පාර්ලිමේන්තුවට පමණක් බව පවසමින් ලංකා සම සමාජ පක්ෂය හා ශ්‍රී ලංකාවේ කොමියුනිස්ට් පක්ෂය ඒකාබද්ධ නිවේදනයක් නිකුත් කර ඇත.
ලංකා සම සමාජ පක්ෂයේ ප්‍රධාන ලේකම් පාර්ලිමේන්තු මන්ත්‍රී මහාචාර්ය තිස්ස විතාරණ සහ ශ්‍රී ලංකාවේ කොමියුනිස්ට් පක්ෂයේ ප්‍රධාන ලේකම් විශේෂඥ වෛද්‍ය ජී. වීරසිංහ යන අය අත්සන් කර ඇති අදාල ඒකාබද්ධ ප්‍රකාශය මගින් මෙම කොමිෂන් සභාව අහෝසි කිරීම පිළිබඳ විරෝධය දක්වා ඇත.
මහජන උපයෝගිතා කොමිසම අරම්භ කර තිබුණෙ ශ්‍රී ලංකාව තුළ විදුලි බලය බෙදාහැරීම, ජලසම්පාදනය හා ඛනිජ තෙල් සම්පත් සහ වෙනත් මහජන උපයෝගිතා සඳහා වූ ප්‍රතිපත්ති සකස් කිරීම හා නියාමනය කිරීම සඳහාය.
