ප්‍රවීණ ගුවන් විදුලි නිවේදිකාවක,නාට්‍ය ශිල්පිනියක වූ රම්‍යා ශ්‍රියාණි පතිරණ මහත්මිය අද (18) අභාවප්‍රාප්ත වි තිබෙනවා.
රම්‍යා ශ්‍රියාණි පතිරණ, මෙරට ප්‍රවීණ සාහිත්‍යවේදියෙකු වන නන්දන වීරසිංහගේ බිරිඳයි.
ගුවන් විදුලි නාට්‍ය ශිල්පිණියක ලෙස 1978 දී ගුවන් විදුලි සංස්ථාවට එක්වූ ඇය 1981 වර්ෂයේ සහන නිවේදිකාවක ලෙස නිවේදක මණ්ඩලයට එක්ව තිබුණා.
ගුවන් විදුලි සංස්ථාවේ වෙළෙද සේවයේ වසර 38ක් සේවය කළ ඇය ගුවන් විදුලි නිවේදිකාවක් සේම ගායිකාවක් සහ හඬ ශිල්පිනියක්ද වූ අතර ඇය නිවේදනය වෙනුවෙන් රාජ්‍ය සම්මානයටද පාත්‍ර වූවා.
හදිසි රෝගී තත්ත්වයක් හේතුවෙන් ජාතික රෝහලට ඇතුළත් කෙරුණු ඇය අද අළුයම අභාවප්‍රාප්ත වී තිබෙනවා.
