ආණ්ඩුක්‍රම ව්‍යවස්ථාවට අනුව ජනාධිපතිවරණය පැවැත්වීමට මේ වන විට තීරණය කර අවසන් බවත්, එම ජනාධිපතිවරණය මෙරට ඉතිහාසයේ සිදු වන ඓතිහාසිකම ජයග්‍රහණය බවත් එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා පවසනවා.
ඔහු මෙම අදහස් පළ කළේ, රජගම ආසනයේ එක්සත් ජාතික පක්ෂ ප්‍රධාන මෙහෙයුම් කාර්‍යාලය විවෘත කිරීමේ උත්සවයට එක්වෙමින්.
එහිදී වැඩිදුරටත් අදහස් දැක්වූ ඔහු,
“දැනට කියලා ඉවරයි ආණ්ඩුක්‍රම ව්‍යවස්ථාව අනුව ජනාධිපතිවරණය පැවැත්වෙනවා. ඒක ජනාධිපතිවරණ ඉතිහාසයේ ඓතිහාසිකම ජයග්‍රහණය කියලා හිතේ තියාගත්තට කමක් නෑ… ඔබට උනත් පේනවනේ මේක රනිල් වික්‍රමසිංහ මහතාට ඇරෙන්න වෙන කාටද කරන්න පුළුවන්. කල්පනා කරලා බලන්න…
ඉතින් ලෝකෙට ගැළපෙන නායකයෙක් ඉන්නවා. එයාගේ නම තමයි රනිල් වික්‍රමසිංහ. එතුමට ගැළපෙන කවුරුවත් දැනට ඉදිරිපත් වෙලා නෑ.”
