ජන ගීය තුළින් ජාතික සංගීතයක් බිහිකරලීම උදෙසා සිය දිවියම කැපකළ සංගීතඥ ලයනල් රන්වලයන්ගේ ජන්ම දිනය නිමිති කරගෙන සෑම වසරකම නොවැම්බර් 27 වනදා රංවල බලකාය මගින් සංගීතමය සංදර්ශනයක් ඉදිරිපත් කෙරුණත් වර්තමානයේ රටේ පවතින සෞඛ්‍ය ගැටළු හේතුවෙන් එය මෙවර ඒ ආකාරයෙන් නොපැවැත්වේ.
නමුත් එය රූපවාහිනී වැඩසටහනක් ආකාරයෙන් නිර්මාණය කර අන්තර්ජාලය ඔස්සේ මෙවර ඉදිරිපත් කිරීමට කටයුතු යොදා ඇත.
ජන සංගීතමය නිර්මාණ, රූප රචනා, සංවාද සමඟ චීකවේ චෙන්ග්(ඩු) ජාත්‍යන්තර උළෙල වෙනුවෙන් රන්වල බලකාය නිර්මාණය කල ප්‍රාසාංගික අංගය ද මෙවර 9 වන රන් සළකුණ වැඩසටහනට අන්තර්ගත කර තිබේ.
ඒ අනුව ලයනල් රන්වල මහතාගේ ජන්ම දිනය යෙදෙන නොවැම්බර් 27 වනදා සවස 6.30 සිට එම ප්‍රසංගය සජීවීව Ranwala Balakaya / Ranwala Foundation ෆේස්බුක් පිටුව හා ගිණුම ඔස්සේ නැරඹිය හැකි බව රන්වල පදනමේ මෙහෙයුම් අධ්‍යක්ෂ සහන් රන්වල මහතා පවසනවා.
