ජනප්‍රිය රංගන ශිල්පියෙක් වන රේ ස්ටීවන්සන් මියගොස් ඇති බව විදෙස් මාධ්‍ය වාර්තා කළා.
මියයන විට ඔහු 58 වැනි වියේ පසුවුණා.
ඔහුගේ මරණයට හේතුව මෙතෙක් අනාවරණය වී නොමැති අතර Ischia නම් ඉතාලි දූපතේ සිදුකරමින් තිබූ රූගත කිරීමක් අතරතුර රෝගාතුර වී ඇති ස්ටීවන්සන් රෝහල්ගත කිරීමෙන් අනතුරුව මියගොස් තිබෙන බව විදෙස් මාධ්‍ය වාර්තා කරනවා.
තෝර් චිත්‍රපට මාලාවේ ඔහු සුවිශේෂී චරිතයක් වූ මොහු 1964 මැයි 25 උතුරු අයර්ලන්තයේ උපත ලබා ඇති අතර 1990 වසරේදී විකාශය වූ රූපවාහිනී වැඩසටහනක් හරහා රංගනයට පිවිස තිබුණා.
ඉන් අනතුරුව ඔහු 2000 වසරේ සිට හොලිවුඩ් ක්‍රියාදාම චිත්‍රපට සඳහා රංගනයෙන් දායක වී තිබෙනවා.
