අලුත්වීම ජීවිතයට අලුත් බලාපොරොත්තුවක් එක් කරන බව ජනාධිපති රනිල් වික්රමසිංහ මහතා පවසනවා.
ජනාධිපතිවරයා පවසන්නේ, ජාතියක් දේශයක් ලෝකයක් ඉදිරියට යනු ලබන්නේ අලුත්වීමෙන් බවයි.
සාම්ප්රදායික අවුරුද්දට අලුත් වීම කැලැන්ඩර් අවුරුද්දට අලුත් වීම සෘතුවෙන් සෘතුවට අලුත් වීම ආදී වශයෙන් ලෝකයේ රටවල ජනතාව ඔවුන්ට ලැබී ඇති අවස්ථාවන් හීදී අලුත් වන බව ජනාධිපතිවරයා සඳහන් කළා.
ජනාධිපති රනිල් වික්රමසිංහ මහතා මේ බව සඳහන් කළේ, සිය අලුත් අවුරුදු පණිවුඩය නිකුත් කරමින්.
සිංහල හා දෙමළ අලුත් අවුරුද්දේ අප අලුත් වන්නේ ද සබඳතාවය සහ සාමූහිකත්වය කේන්ද්ර කොටගෙන වන බවත් ලෝකයේ ඕනෑම රටක සාම්ප්රදායික අවුරුදු චාරිත්රයන් සැකසී ඇත්තේ මෙම කරුණු පදනම් කරගෙන බවත් ජනාධිපතිවරයා එහිදී පෙන්වාදෙනවා.
අලුත් අවුරුද්දේ රටක් වශයෙන් නිවැරදි මඟක ඉදිරියට යාමට අවශ්ය මුලීක සාධකයන් වනුයේ ද සමාජ සබඳතාවය සහ සාමූහිකත්වය බව ජනාධිපති රනිල් වික්රමසිංහ මහතා සිය සුබපැතුම් පණිවුඩයෙන් දැනුම්දුන්නා.
මේ අතර නවමු සංකල්පයන් තුළින් පෝෂිත අලුත් අවුරුද්දක් අදින් ඇරඹිය යුතු බව අග්රාමාත්ය දිනේෂ් ගුණවර්ධන මහතා පවසනවා.
අග්රාමාත්යවරයා පෙන්වා දෙන්නේ, අලුත් අවුරුද්දේ සැබෑ අයිතිය අපගේදූ දරුවන් සතු වන අතර එම අසිරිය මතු පරපුර උදෙසා රැකදීම අප සැමගේ යුතුකම බවයි.
ආහාර හා ආර්ථික අර්බුදයකට මුහුණ දී රට බත බුලතින් සරි කරන්නට අභියෝගාත්මකව ගොවි ජනතාව සිදුකළ මෙහෙය අලුත් අවුරුද්දේ කෘතවේදීව සිහිපත් කළ යුතු බවත් සිය අලුත් අවුරුදු පණිවුඩය මගින් අග්රාමාත්ය දිනේෂ් ගුණවර්ධන මහතා පවසනවා.