විශ්‍රාමිකයන්ගේ ජුනි මස විශ්‍රාම වැටුප අනිද්දා (10) දිනයේ ලබා දීමට සියලු කටයුතු සූදානම් කර ඇතැයි යුධ හමුදාපති ජනරාල් ශවේන්ද්‍ර සිල්වා මහතා ප්‍රකාශ කරයි.
ඒ අනුව විශ්‍රාමිකයන් බැංකු සහ තැපැල් කාර්යාල වෙත යැවීම සඳහා අවශ්‍ය ගමනාගමන පහසුකම් ලබා දීමට ද අවශ්‍ය කටයුතු සම්පාදනය කර තිබේ.
ග්‍රාම නිලධාරීන් සහ ප්‍රාදේශීය ලේකම්වරුන්ගේ ද සහය ඇතිව විශ්‍රාමිකයන් අදාළ බැංකු ශාඛා වෙත රැගෙන යාමට අවශ්‍ය ප්‍රවාහන පහසුකම් සපයන බව යුධ හමුදාපතිවරයා පවසයි.
ඒ වෙනුවෙන් අදාළ ගණුදෙනු කරන බැංකු ශාඛා එදින විවෘතව පවතින බව ද ඒ මහතා සඳහන් කළේය.
