ප්‍රවීණ රංගන ශිල්පී රෙක්ස් කොඩිප්පිලි මහතා දිවි ගමනට සමු දී තිබෙනවා.
සිංහල සිනමාවේ දුෂ්ටයාගේ චරිතයට නව හැඩයක් ලබා දීමට සමත් වූ මෙම කෘතහස්ත රංගන ශිල්පියා මිය යන විට 85 වැනි වියෙහි පසු වුණා.
1930 වසරේ උපත ලැබූ රෙක්ස් කොඩිප්පිලි මහතා මරුවා සමග වාසේ, සිහසුන, දමයන්ති, රොබට් වික්‍රමසිංහ, මුවන්පැලැස්ස, රක්තා, බයිසිකලේ,කොටි වලිගය, ක්‍රිස්තු චරිතය ආදී චිත්‍රපට 150කට ආසන්න සංඛ්‍යාවක රංගනයෙන් දායක වී තිබෙනවා.
රෙක්ස් කොඩිප්පිලි මහතා අද (24) උදෑසන ජීවිතක්ෂයට පත් වූ බව ඔහුගේ ඥාති දියණියක් දැනුම් දී තිබුණා.
