33 C
Colombo
Thursday, April 18, 2024

රිච්මන්ඩ් කාසල් චූදිතයාටම තෑගි දීමේ සූදානමක්..

- Advertisement -

මහා භාරකාර දෙපාර්තමේන්තුවට අයත් රිච්මන්ඩ් කාසල් මන්දිරයේ සිදු වී යැයි කියන වංචා දූෂණවලට චෝදනා ලැබ ඉවත් කළ එහි හිටපු භාරකරු නැවතත් පත්කිරීමට අලුතින් පත් වූ මහා භාරකරු කටයුතු කරමින් සිටින බව ‘නිව්ස් 19’ට වාර්තා වේ. 

නව මහා භාරකරු හැටියට පත් වූ අග්‍රාමාත්‍ය අතිරේක ලේකම් නීතිඥ ගනේෂ් ධර්මවර්ධන මහතා මෙම පත්වීම කිරීමට කටයුතු කරමින් සිටින්නේ අදාළ පුද්ගලයාට එරෙහිව සිදුකළ විමර්ශන නොතකා යැයි දෙපාර්තමේන්තුවේ අභ්‍යන්තර ආරංචි මාර්ග සඳහන් කරයි.

මන්දිරයේ ස්ථාපිත කර තිබූ අකුණු සන්නායකයක පාද තැටිය (ප්ලේට්) 2014 වසරේදී අතුරුදහන් වීම මූලික කරගෙන 2015 දී අදාළ විමර්ශනය කර තිබුණේ හිටපු මහාභාරකාරවරියක වූ තරංගනී කීනවැන්න මහත්මියගේ නියෝගයෙනි.

මූලික විමර්ෂණයක් කිරීම සඳහා හිටපු මහාභාරකාරවරිය දෙපාර්තමේන්තුවේ ප්‍රධාන ගණකාධිකාරවරයාගේ මූලිකත්වයෙන් ත්‍රිපුද්ගල කමිටුවක් පත් කළ ද එහි අවසන් වාර්තාව ගැන සඳහනක් නොවීය.

සිදුවීම වන විට එහි භාරකරු හැටියට ක්‍රියා කළ එම්.ආරියදාස නමැත්තා අකුණු සන්නායක පාද තැටිය අතුරු බවට පොලිස් පැමිණිල්ලක් කර තිබුණේ ඒ ගැන ජනමාධ්‍යයෙන් ද වාර්තා කළ පසුය.

සන්නායක සිදුවීම ගැන එවකට කළුතර දකුණ පොලිසියෙන් විමර්ශනයක් ආරම්භ කළ ද රිච්මන්ඩ් කාසල් අසල්වැසියන් පවසන ආකාරයට මන්දිරයේ භාරකරු හැටියට ක්‍රියා කළ එම්.ආරියදාස හා කළුතර ජ්‍යෙෂ්ඨ පොලිස් නිලධාරියකු අතර ඇති සමීප සම්බන්ධය නිසා එය අතරමග නතර වී ඇත.

එසේම අදාළ සන්නායකය රිච්මන්ඩ් කාසල් භාණ්ඩ ලේඛනයට ඇතුලත් කර තිබෙන්නේ ද 2016 වසරේදීය. 

මේ සිදුවීම සම්බන්ධයෙන් මන්දිරය රජයට භාර කළ එන්. ඩී. ආතර් ද සිල්වා විජේසිංහ සිරිවර්ධන මහමුදලිවරයාගේ ඥාතියකු අපරාධ පරීක්ෂණ දෙපාර්තමේන්තුවට ද පැමිණිල්ලක් කර තිබිණි.

යටත්විජිත සමයේ එන්. ඩී. ආතර් ද සිල්වා විජේසිංහ සිරිවර්ධන මහමුදලි විසින් ඉදිකරන ලද මේ සුවිසල් මැදුර දෙස් විදෙස් ගෘහ නිර්මාණ ශිල්පය මුසු කළ අපූර්ව කලාත්මක නිර්මාණයකි. 

දෙපාර්තමේන්තු දත්තවලට අනුව අක්කර 42 ක් විශාල වූ රිච්මන්ඩ් පාක් නම් වත්ත සහිත රිච්මන්ඩ් කාසල් නම් වූ මන්දිරයද, අක්කර 80 ක් විශාල වූ ඉරහදයාව වත්තද, එන්.ඩී.ඒ. සිල්වා විජේසිංහ මුදලිතුමා අන්තිම කැමති පත්‍රයකින් මහා භාරකරු වෙත පවරා දී තිබේ. 

ඒ, එම දේපළ අර්ථාන්විතව භාවිතයට ගෙන අන්තිම කැමැත්තේ සඳහන් පරිදි මහජන සුබසාධන කටයුතු රජයේ භාරකරුවකු මගින් කිරීමටය. 

RECENT ARTICLES - SINHALA

ශ්‍රී ලංකා කාන්තා ක්‍රිකට් පිලට කෝටියක මුදල් ත්‍යාගයක්

දකුණු අප්‍රිකාව පරාජය කරමින් ලෝක වාර්තාගත ජයක් ලැබූ ශ්‍රී ලංකා කාන්තා එක්දින ක්‍රිකට් කණ්ඩායමට රුපියල් කෝටියකට ආසන්න විශේෂ මුදල් ත්‍යායක් පිරිනැමීමට තීරණය කර ඇති...

බැඳුම්කර හිමියන් සමඟ සාකච්ඡාවලට IMF සහය

ජාත්‍යන්තර ස්වෛරී බැඳුම්කර හිමියන් සමඟ ශ්‍රී ලංකාවේ සාකච්ඡා සඳහා සහාය වීමට සූදානම් බව ජාත්‍යන්තර මූල්‍ය අරමුදල (IMF) පවසා තිබෙනවා. ජාත්‍යන්තර මූල්‍ය අරමුදලේ ප්‍රකාශකයෙකු සඳහන් කර...

සැකකරුවෙක් උසාවි භූමියේදී පැනලා ගිහින්

අයිස් මත්ද්‍රව්‍ය තොගයක් සමග අත්අඩංගුවට ගත් සැකකරුවෙකු ග්‍රෑන්ඩ්පාස් පොලිසියේ නිලධාරීන් භාරයේ මාලිගාකන්ද අධිකරණ භූමියට රැගෙන ආ අවස්ථාවේදී නිලධාරීන්ගේ මිදී පලා ගොස් තිබෙන බවට වාර්තා...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...

සෞඛ්‍ය අංශවලින් දැනුම් දීමක්

උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය...